قازاقستاندا 2030-جىلعا قاراي جويىلىپ كەتۋى مۇمكىن سەگىز ماماندىق اتالدى

الماتى. قازاقپارات - 2030-جىلعا دەيىن ەلىمىزدە سەگىز ماماندىق تولىقتاي جويىلۋى نەمەسە بۇل سالالاردا جۇمىس كۇشى كۇرت قىسقارۋى مۇمكىن.

بۇل تۋرالى ءى م ە س ۋنيۆەرسيتەتىنىڭ ەكونوميكا جانە باسقارۋ كافەدراسىنىڭ دوتسەنتى ليۋزا بايگۋزينا مالىمدەدى.

جويىلۋى ىقتيمال ماماندىقتار تىزىمىنە مىنالار كىرەدى:

كولل-ورتالىق وپەراتورى؛

كاسسير؛

قويما قىزمەتكەرى؛

باسپاحانا جۇمىسشىسى؛

ەسكىرگەن تەحنيكانى جوندەيتىن مەحانيك؛

اگرارلىق سەكتور ماماندارى؛

بۋحگالتەر؛

جۋرناليست.

نەلىكتەن بۇل ماماندىقتار جويىلۋى مۇمكىن؟

ساراپشىنىڭ ايتۋىنشا، العاشقى ءۇش ماماندىق - كولل-ورتالىق وپەراتورى، كاسسير جانە قويما قىزمەتكەرى - اۆتوماتتاندىرۋ مەن جاساندى ينتەللەكت سياقتى تەحنولوگيالاردىڭ دامۋى ناتيجەسىندە وزەكتىلىگىن جوعالتادى.

بۇگىندە كوپتەگەن قىزمەت تۇرلەرى اۆتوماتتى جۇيەلەرمەن الماستىرىلىپ جاتىر. بۇل ءۇردىس بولاشاقتا تەك كۇشەيە تۇسەدى، - دەدى بايگۋزينا.

باسپاحانا جۇمىسشىلارى مەن ەسكى تەحنيكانى جوندەيتىن ماماندار دا قيىندىققا تاپ بولۋى مۇمكىن. سەبەبى وندىرىستىك سالالار جاڭا تەحنولوگيالارعا كوشىپ جاتىر، ال ەسكى جابدىقتاردى قولدانۋ بارعان سايىن ازايۋدا.

اۋىل شارۋاشىلىعىنا قاتىستى دا وزگەرىستەر كۇتىلۋدە. فەرمەرلىك پەن اگروتەحنولوگيالاردىڭ دامۋى ناتيجەسىندە ءداستۇرلى اۋىل شارۋاشىلىعى ادىستەرىنە سۇرانىس ازايادى.

بۋحگالتەريا سالاسىندا دا ەلەۋلى وزگەرىستەر ورىن الادى. قازىرگى تاڭدا كوپتەگەن ەسەپ جۇرگىزۋ پروتسەسىن ارنايى باعدارلامالار مەن اۆتوماتتاندىرىلعان جۇيەلەر اتقارا الادى. بۇل اسىرەسە تومەن بىلىكتى بۋحگالتەرلەرگە قاتىستى.

جۋرناليستيكا سالاسى دا سيفرلىق ترانسفورماتسيادان تىس قالمايدى. ب ا ق- تىڭ ونلاين پلاتفورماعا كوشۋى مەن دەرەكتەردى وڭدەۋدىڭ زاماناۋي ادىستەرىنىڭ پايدا بولۋى ءداستۇرلى جۋرناليستيكاعا دەگەن سۇرانىستى تومەندەتۋى مۇمكىن.

سيرەك كەزدەسەتىن ماماندىق - جوعارى جالاقى كەپىلى ەمەس

ەكونوميستىڭ ايتۋىنشا، كەيبىر ماماندىقتاردىڭ سيرەك كەزدەسۋى ولاردىڭ جوعارى جالاقىمەن قامتاماسىز ەتىلەتىنىن بىلدىرمەيدى. ەگەر ماماندىق سيرەك بولسا، ءبىراق جوعارى بىلىكتىلىك تالاپ ەتپەسە، جالاقى دەڭگەيى وزگەرمەۋى مۇمكىن.

الايدا جاساندى ينتەللەكت، بيوينجەنەريا سىندى سالالاردا جۇمىس ىستەيتىن جوعارى بىلىكتى ماماندار ءۇشىن ەڭبەكاقى جوعارى بولىپ قالا بەرەدى. بايعۇزينا اتاپ وتكەندەي، زاماناۋي نارىق تالاپتارىنا سايكەس ارنايى ءبىلىم مەن داعدىنى قاجەت ەتەتىن كاسىپتەر بولاشاقتا اسا سۇرانىسقا يە جانە جوعارى باعالاناتىن بولادى.

بۇعان دەيىن جاساندى ينتەللەكت قىلمىستىڭ الدىن الۋعا كومەكتەسەتىنى تۋرالى جازعان ەدىك.

el.kz