قازاقستانعا كرەاتيۆتى يندۋستريا نە ءۇشىن كەرەك

سوڭعى جىلدارى كرەاۆتيۆتى يندۋستريا دەگەن ۇعىم پايدا بولدى. ونىڭ ەل ەكونوميكاسىنا پايداسى قانداي؟ بۇل تۋرالى تولىعىراق مادەنيەت جانە اقپارات ءمينيسترى ايدا بالايەۆا ءتۇسىندىرىپ ءوتتى، دەپ حابارلايدى قازاقپارات ءتىلشىسى.

Балаева
Фото: Фото: Адлет Беремкулов/МИА "Казинформ"

«قازىرگى ۋاقىتتا ساراپشىلار جانە يندۋستريا وكىلدەرىمەن بىرگە اۆتورلىق قۇقىق، زياتكەرلىك مەنشىكتى قورعاپ، كرەاتيۆتى يندۋستريا وكىلدەرىن قولداۋ شارالارى قاراستىرىلىپ جاتىر. ورتالىق مەملەكەتتىك جانە جەرگىلىكتى اتقارۋشى ورگاندارعا قوسىمشا قۇزىرەتتەر بەرۋدى كوزدەيتىن كرەاتيۆتى يندۋستريا ماسەلەلەرى جونىندەگى زاڭنامانى وزگەرتۋ جاعى تالقىلانىپ جاتىر»، - دەدى ايدا بالايەۆا ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ءمينيستردىڭ ايتۋىنشا، كرەاتيۆتى يندۋستريا وكىلدەرىمەن بىرنەشە كەزدەسۋ ءوتتى. كەزدەسۋلەردە شىعارماشىلىق يندۋستريانى دامىتۋ ءۇشىن ينستيتۋتوتسيانالدى ينفراقۇرىلىمدار مەن مەملەكەت مۇلكىن پايدالانۋدىڭ مەحانيزمدەرىن جاساۋ جايى تالقىلانعان.

«قازاقستان ەكونوميكاسىنا كرەاتيۆتى يندۋستريانىڭ ۇلەسىن ۇلعايتۋدى 2025-جىلى %5 عا، كرەاتيۆتى يندۋستريا سالاسىندا جۇمىسپەن قامتۋدى 2025-جىلى %4 عا دەيىن ارتتىرۋدى جوسپارلاپ وتىرمىز. سونىمەن قاتار 2025-جىلعا قاراي كرەاتيۆتى يندۋستريانىڭ ۇلەسىن شاعىن جانە ورتا بيزنەستە 1,5 ەسە ۇلعايادى. وعان قوسا، وسى ۋاقىتقا دەيىن كرەاتيۆتى تەحنولوگيالاردى دامىتۋ ەسەبىنەن 30 مىڭنان استام جاڭا جۇمىس ورىندارىن قۇرۋ جوسپارلانىپ وتىر. ال كرەاتيۆتى يندۋستريا ونىمدەرىنىڭ ەكسپورتى 200 ميلليون دوللارعا دەيىن وسپەك، - دەدى ۆەدومستۆو باسشىسى بريفينگتە.

سونداي-اق، ايدا بالايەۆا ءقازىر وڭىرلەردە كرەاتيۆتى حاب جاساقتاۋ ءۇشىن وڭىرلەردە قاجەتتى اقپاراتتى جيناۋ جۇزەگە اسىرىلىپ جاتىر.

سوڭعى جاڭالىقتار