قازاقستان تۇركى مەملەكەتتەرى ۇيىمى جوعارعى سوتتارىنىڭ كونفەرەنسياسىنا قاتىستى
استانا. KAZINFORM – ق ر جوعارعى سوتىنىڭ ءتوراعاسى اسلامبەك مەرعاليەۆ تۇركى مەملەكەتتەرى ۇيىمىنا مۇشە قازاقستان، وزبەكستان، تۇركيا، ازەربايجان جانە قىرعىزستاننىڭ جوعارعى سوتتارىنىڭ ءتوراعالارىنا ونلاين رەجيمدە ءىلتيپات ءبىلدىردى.
تۇركيانىڭ انتاليا قالاسىندا وتكەن فورۋمنىڭ ەكىنشى وتىرىسىنىڭ جۇمىسىنا (ءبىرىنشىسى 2023-جىلدىڭ اقپانىندا ازەربايجاندا وتكەن) قۇرامىندا جوعارعى سوتتىڭ اكىمشىلىك ىستەر جونىندەگى سوت القاسىنىڭ ءتوراعاسى اسلان تۇكيەۆ، اسكەري سوت ءتوراعاسى عالىمجان ءناسىردىنوۆ جانە سوت اكىمشىلىگىنىڭ حالىقارالىق بايلانىستار ءبولىمىنىڭ مەڭگەرۋشىسى د. وماروۆ بار قازاقستاندىق دەلەگاتسيا قاتىستى.
ءوز سوزىندە ا. مەرعاليەۆ بەرىك قۇقىقتىق نەگىزدى قالىپتاستىرۋ، جوعارى سوت ورگاندارىنىڭ تاجىريبە مەن جەتىستىكتەرمەن الماسۋ، سوت تورەلىگىنىڭ زاماناۋي ۇردىستەرىن تالقىلاۋ جانە ۇزدىك تاسىلدەردى ازىرلەۋدە ءوزارا ءىس-قيمىل جاساۋ ءۇشىن ۇيىم جارعىسىن قابىلداۋدىڭ ماڭىزدىلىعىن اتاپ ءوتتى. قازاقستاننىڭ سوت جۇيەسىنىڭ اشىقتىعىن، تاۋەلسىزدىگىن جانە ادامدارعا باعدارلانۋىن ارتتىرۋ ءۇشىن ونى جاڭعىرتۋ باعىتى تۋرالى حاباردار ەتتى.
قازاقستانداعى رەفورمالار قاتارىندا سوت جۇيەسىن قارجىلاندىرۋدىڭ جاڭا مودەلىن (بارلىق مەملەكەتتىك ورگانداردىڭ شىعىستارىنىڭ كەمىندە %6,5) ەنگىزۋدى، اۋداندىق سوت ءتوراعالارىن سۋديالار رەتىندە سايلاۋ ءراسىمىن، القابيلەردى تاڭداۋدىڭ سيفرلىق ءراسىمىن، كاسساتسيالىق سوتتى، ازاماتتىق جانە اكىمشىلىك ىستەر بويىنشا سوت ءىسىن جۇرگىزۋدە اۋماقتان تىس سوتتىلىقتى جانە ت. ب. اتاپ ءوتىلدى. شارالار سىبايلاس جەمقورلىق تاۋەكەلدەرىن تومەندەتۋگە، سوتتاردىڭ بەيتاراپتىعىنا كۇماندى جويۋعا جانە سوت تورەلىگىنە دەگەن سەنىمدى ارتتىرۋعا باعىتتالعان.
ءىس-شارا اياسىندا ا. تۇكيەۆ تۇركيانىڭ كاسساتسيالىق سوتىنىڭ ءتوراعاسى ومەر كەركەزبەن، تۇركيا مەملەكەتتىك كەڭەسىنىڭ ءتوراعاسى زەكي يگيتپەن جانە قىرعىزستان جوعارعى سوتى ءتوراعاسىنىڭ ورىنباسارى نۋرگۋل باكيروۆامەن كەزدەسۋلەر وتكىزدى.
ق ر جوعارعى سوتىنىڭ ءتوراعاسى اتاپ وتكەن پوستۋلاتتارمەن قاتار، ا. تۇكيەۆ قازاقستاندا زاڭ ۇستەمدىگىن، سوت تورەلىگىنىڭ قولجەتىمدىلىگىن قامتاماسىز ەتۋ بويىنشا قابىلدانىپ جاتقان شارالارعا، ەكونوميكالىق جانە ينۆەستيتسيالىق داۋلاردى قاراۋدىڭ جاڭا تاسىلدەرىنە توقتالدى.
ونىڭ ايتۋىنشا، ا ر پ ك- تە بەكىتىلگەن قاعيداتتاردىڭ (پروتسەسسكە قاتىسۋشىنىڭ قۇقىقتارىنىڭ باسىمدىعى، سوتتىڭ بەلسەندى ءرولى جانە ت. ب.) ارقاسىندا ازاماتتار مەن كاسىپكەرلەر مەملەكەتتىك ورگاندارعا قارسى ىستەردىڭ 58 پايىزىن ۇتىپ شىعادى. ول قازاقستان رەسپۋبليكاسىنىڭ سوت رەفورماسىنىڭ قۇرامداس بولىگى بولىپ تابىلاتىن اپەللياتسيانىڭ ءرولىن كۇشەيتۋ، سيفرلاندىرۋ جانە روبوتتاندىرۋ، جاساندى ينتەللەكت ەلەمەنتتەرى بار سەرۆيستەر جانە ت. ب. تۋرالى ايتتى.
سىندارلى پىكىر الماسۋ بولدى.
ەسكە سالايىق، سەنات جوعارعى سوت سۋدياسىن قىزمەتىنەن بوساتتى.
