قازاقستان سلوۆاكياعا ا ە س وتىنىن ساتا ما - قازاتومونەركاسىپ مەموراندۋمعا قول قويدى
استانا. KAZINFORM - «قازاتومونەركاسىپ» ۇلتتىق كومپانياسى» سلوۆاكيانىڭ Slovenské elektrلrne كومپانياسىمەن اتوم سالاسىنداعى ىنتىماقتاستىق تۋرالى مەموراندۋمعا قول قويدى.
ۇلتتىق كومپانيانىڭ مالىمەتىنشە، مەموراندۋم سلوۆاكيانىڭ اتوم ەلەكتر ستانتسيالارىنا تابيعي ۋران كونتسەنتراتى مەن ۋران ديوكسيدى (UO₂) تۇرىندەگى يادرولىق وتىندى جەتكىزۋ مۇمكىندىكتەرىن قاراستىرۋدى كوزدەيدى.
- بۇل كەلىسىم - ءبىزدىڭ ەۋروپالىق سەرىكتەستەرمەن اراداعى ءوزارا ءتيىمدى ىنتىماقتاستىقتى تەرەڭدەتۋگە باعىتتالعان ماڭىزدى قادام. سلوۆاكيا ءۇشىن اتوم ەنەرگەتيكاسى - تۇراقتى ءارى سەنىمدى ەنەرگيا كوزى. سوندىقتان ءبىز بۇل ارىپتەستىكتىڭ ۇزاقمەرزىمدى ءارى ءوزارا پايدالى بولارىنا سەنەمىز، - دەيدى ۇلتتىق كومپانيانىڭ باسقارما ءتوراعاسى مەيىرجان يۋسۋپوۆ.
Slovenské elektrrne كومپانياسى - سلوۆاكياداعى بۇكىل اتوم ەلەكتر ستانسالارىنىڭ ءبىرىڭعاي وپەراتورى. «قازاتومونەركاسىپ» ۇلتتىق كومپانياسى بۇعان دەيىن شۆەيتساريالىق Axpo Power AG، فرانسيالىق Orano جانە Framatome سياقتى بىرنەشە ەۋروپالىق كومپانيامەن وسىعان ۇقساس قۇجاتتار بەكىتكەن بولاتىن.
