قازاقستان- نورۆەگيا ماتچى: فۋتبول فەدەراتسياسى ەسكەرتۋ جاريالادى

الماتى. KAZINFORM - بۇگىن 19:00-دە الماتى ورتالىق ستاديونىندا ۋەفا ۇلتتار ليگاسى اياسىندا قازاقستان مەن نورۆەگيا قۇرامالارى اراسىندا ماتچ وتەدى. ويىن الدىندا قازاقستان فۋتبول فەدەراتسياسى جانكۇيەرلەرگە ەسكەرتۋ جاريالادى.

- كەزەكتە تۇرىپ قالماس ءۇشىن سىزدەردەن ستاديونعا 2 ساعات بۇرىن كەلۋلەرىڭىزدى سۇرايمىز. سىزدەر ءۇشىن قىزىقتى باعدارلاما دايىندالدى. كەلىڭىزدەر، ماتچ الدىندا كوڭىلدى ۋاقىت وتكىزىڭىزدەر. ستاديونعا ساعات 17:00-دەن باستاپ كىرۋگە بولادى، - دەپ حابارلادى ق ف ف باسپا ءسوز قىزمەتى.

ەسكە سالايىق، بۇعان دەيىن «قازاقستان- نورۆەگيا» ماتچىنا بيلەت قولدان- قولعا قانشاعا ساتىلىپ جاتقانىن جازعان ەدىك.

ەرلينگ حولاند پەن مارتين ەدەگور سىندى الەمدىك فۋتبول جۇلدىزدارى قاتىساتىن ويىنعا بيلەتتەردى ساتۋ 20 -تامىزدا باستالىپ، ءبىر تاۋلىكتە ءبارى ءوتىپ كەتكەن. اۋەلدە بيلەت قۇنى 2-10 مىڭ ارالىعىندا تەك ونلاين ساتىلعان.

سونداي- اق، قازاقستان فۋتبول فەدەراتسياسى الىپساتۋدىڭ الدىن الۋ ءۇشىن ساتىپ الىنعان بيلەت ماتچ باستالۋىنا 2 ساعات قالعاندا كورسەتكەن پوشتاعا كەلەتىنىن حابارلاعان.

اۆتور

دوسبول اتاجان