قازاقستان مەن رەسەي باسشىلارى بىرلەسكەن مالىمدەمە قابىلدادى

استانا. KAZINFORM — قازاقستان مەن رەسەي باسشىلارى قاسىم-جومارت توقايەۆ پەن ۆلاديمير پۋتين جاڭا جاھاندىق ءتارتىپ جاعدايىندا ستراتەگيالىق ارىپتەستىكتى تەرەڭدەتۋ تۋرالى بىرلەسكەن مالىمدەمە قابىلدادى. بۇل تۋرالى اقوردا حابارلادى.

سونىمەن قاتار پرەزيدەنتتەردىڭ قاتىسۋىمەن ەكى ەل دەلەگاتسيالارىنىڭ مۇشەلەرى تومەندەگىدەي قۇجاتتارمەن الماستى:

1. قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى 2024-2028-جىلدارعا ارنالعان ءوڭىرارالىق جانە شەكارا ماڭى ىنتىماقتاستىعى باعدارلاماسى؛

2. قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى 2024-2028-جىلدارعا ارنالعان ءوڭىرارالىق جانە شەكارا ماڭى ىنتىماقتاستىعى باعدارلاماسىن جۇزەگە اسىرۋ جونىندەگى ءىس-شارالار جوسپارى؛

3. قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى تەمىرجول كولىگىن جانە ينفراقۇرىلىمىن، اۆتوموبيل جولدارىن، سونداي-اق قازاقستان رەسپۋبليكاسى مەن رەسەي فەدەراتسياسى اراسىنداعى مەملەكەتتىك شەكارا ارقىلى اۆتوموبيل جانە تەمىرجول وتكىزۋ پۋنكتتەرىن دامىتۋ سالاسىنداعى ءوزارا ءىس-قيمىلدى ۇيىمداستىرۋ تۋرالى كەلىسىم؛

4. قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى قازاقستان- رەسەي مەملەكەتتىك شەكاراسى ارقىلى «سىرىم» (قازاقستان رەسپۋبليكاسى) جانە «ماشتاكوۆو» (رەسەي فەدەراتسياسى) وتكىزۋ پۋنكتتەرى اراسىنداعى تالوۆايا وزەنى ارقىلى وتەتىن اۆتوموبيل كوپىرىن جانە وعان كىرەر جولداردى رەكونسترۋكتسيالاۋ، كۇردەلى جوندەۋ، اعىمداعى جوندەۋ جانە كۇتىپ ۇستاۋ ءتارتىبى تۋرالى كەلىسىم؛

5. قازاقستان رەسپۋبليكاسىنىڭ كولىك مينيسترلىگى مەن رەسەي فەدەراتسياسىنىڭ كولىك مينيسترلىگى اراسىنداعى تەڭىز كەمەلەرى ەكيپاجى مۇشەلەرىنىڭ ديپلومدارىن ءوزارا تانۋ تۋرالى كەلىسىم؛

6 قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى دەنساۋلىق ساقتاۋ سالاسىنداعى ىنتىماقتاستىق تۋرالى كەلىسىم؛

7. قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى دۇنيەجۇزىلىك نومىرلەۋدىڭ 7-ايماعىن نومىرلەۋدى پايدالانۋ تۋرالى كەلىسىم؛

8. قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى تۋريزم سالاسىنداعى ىنتىماقتاستىق تۋرالى كەلىسىم؛

9. قازاقستان رەسپۋبليكاسىنىڭ ۇكىمەتى مەن رەسەي فەدەراتسياسىنىڭ ۇكىمەتى اراسىنداعى «چەليابينسك مەملەكەتتىك ۋنيۆەرسيتەتى» فەدەرالدى مەملەكەتتىك بيۋدجەتتىك جوعارى ءبىلىم بەرۋ مەكەمەسىنىڭ قوستاناي فيليالىنىڭ قىزمەتى تۋرالى كەلىسىم؛

ەستەرىڭىزگە سالا كەتەيىك، بۇعان دەيىن قاسىم-جومارت توقايەۆ اقوردادا ۆلاديمير پۋتيندى قارسى الدى.