قازاقستان مەن قىتاي اراسىندا جۇك تاسىمالداۋ كولەمى رەكوردتىق كورسەتكىشكە جەتتى

استانا. KAZINFORM - قىتاي حالىق رەسپۋبليكاسىندا كولىك مينيسترلىگى، بيزنەس-كومپانيالار جانە باسقا دا مەملەكەتتىك ورگاندار وكىلدەرىنىڭ قاتىسۋىمەن العاشقى قازاقستان-قىتاي استىق فورۋمى ءوتتى.

Грузоперевозки товарооборот Жүк тасымалдау тауар айналымы
Фото: Александр Павский/ Kazinform

 تاراپتار ق ر مەن ق ح ر اراسىنداعى تاۋار اينالىمىنىڭ مۇمكىندىكتەرى، سونداي-اق ەكسپورتتىق جۇكتەردى جەتكىزۋ شارتتارىن تالقىلادى، دەپ حابارلايدى ۆەدومستۆونىڭ باسپا ءسوز قىزمەتى.

ورتالىق كوممۋنيكاتسيالار قىزمەتىنىڭ جازۋىنشا، ەكى ەل اراسىنداعى جۇك تاسىمالداۋ كولەمى 2022-جىلمەن سالىستىرعاندا %22- عا ءوسىپ، رەكوردتىق كورسەتكىشكە، ياعني 28 ميلليون تونناعا جەتتى. وسى رەتتە قازاقستاننان ەكسپورتقا 12,6 ميلليون توننا جونەلتىلدى، بۇل 2022 -جىلعى دەڭگەيدەن %35- عا ارتىق.

سونىمەن قاتار قازاقستاندىق دەلەگاتسيا الاشانكوۋ ستانتسياسىنىڭ بوند ايماعىنداعى ءداندى داقىلدار مەن وسىمدىك مايلارىن تاسىمالداۋ بويىنشا جاڭا تەرمينالدىڭ جۇمىسىمەن تانىستى. كەزدەسۋ بارىسىندا تاراپتار تاسىمالداۋ تەحنولوگياسى جانە قازاقستاندىق اگروونىمدى قابىلداۋدى ۇلعايتۋ تۋرالى كەلىستى.

تاراپتار سونداي-اق ق ح ر- عا ەكسپورتتى تاسىمالداۋ كەزىندە تۋىندايتىن ماسەلەلەردى انىقتاۋ جانە شەشۋ ءۇشىن جۇمىس توبىن قۇرۋعا كەلىستى.

«بۇگىنگى تاڭدا قازاقستاننان قىتايعا جەتكىزىلەتىن نەگىزگى داقىلداردىڭ قاتارىندا ارپا مەن بيداي بار. ەكى تاراپتىڭ بىرلەسكەن جۇمىسىنىڭ ناتيجەسىندە 2023 -جىلى پاندەميادان كەيىن ق ح ر- عا تاسىمالداۋدى قايتا باستاۋعا مۇمكىندىك تۋدى. بۇل ءداندى داقىلدار ەكسپورتىن 2,5 ەسەگە ارتتىرۋعا مۇمكىندىك بەردى. ماسەلەن، 2021 -جىلى شامامەن 347 مىڭ توننا، 2022 -جىلى 747 مىڭ توننا، ال 2023 -جىلى 2 ميلليون 227 مىڭ توننا ەكسپورتتالدى» - دەپ اتاپ ءوتتى تەمىرجول جانە سۋ كولىگى كوميتەتى ءتوراعاسىنىڭ ورىنباسارى نۇرجان كەلبۇعانوۆ.

اۆتور

ەلميرا ورالبايەۆا

سوڭعى جاڭالىقتار