قازاقستان مەن قىرعىزستان اقىندارى ەۋروپا تورىندە ايتىستى
استانا. KAZINFORM - باۋىرلاس ەلدەردىڭ ونەرپازدارى 17- مامىر كۇنى پاريجدەگى يۋنەسكو- نىڭ شتاب- پاتەرىندە سايىسقا ءتۇستى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
ايتىس - قازاق پەن قىرعىزدىڭ ەجەلدەن قالىپتاسقان سۋىرىپ سالىپ ايتىساتىن جىر سايىسى. قازاقتار دومبىرامەن، قىرعىزدار كومۋزىمەن ايتىسادى.
دوستاستىق كەزدەسۋ 2015 -جىلى يۋنەسكو- نىڭ ماتەريالدىق ەمەس قۇندىلىقتارىنىڭ تىزىمىنە ەنگەن، ەكى ەلگە ورتاق تەڭدەسسىز ونەردىڭ 10 جىلدىعىنا ورايى ۇيىمداستىرىلدى.
ءىس-شارا قازاق جانە قىرعىز تىلدەرىندە ءوتتى. «ايتىش فرانس» قوعامدىق قورى، «امانات» ساياسي پارتياسى، حالىقارالىق ايتىس، جىرشى- تەرمەشى وداعى، يۋنەسكو جانىنداعى قازاقستان مەن قىرعىزستاننىڭ تۇراقتى وكىلدەرى قولداۋ كورسەتتى.
2024 -جىلى قازاقستاندا العاش رەت وقۋشىلار اراسىندا «قولا دومبىرا - 2024» اتتى رەسپۋبليكالىق جاس اقىندار ايتىسى ۇيىمداستىرىلدى. وعان ەلىمىزدىڭ ايماعىنان 12 مەن 18 جاس ارالىعىنداعى 22 ونەرپاز قاتىستى.
وسىعان دەيىن قازاقستان وكىلدەرىنىڭ پاريج ورتالىعىندا وتكەن حالىقارالىق گاسترونوميالىق فەستيۆالگە قاتىسقانى تۋرالى جازدىق.
