قازاقستان جاستارىنىڭ 80 پايىزى وتباسىن باستى قۇندىلىق دەپ سانايدى
استانا. KAZINFORM - زەرتتەۋ ناتيجەلەرى بويىنشا قازاقستان جاستارىنىڭ %80- ى وتباسىن باستى قۇندىلىق دەپ سانايدى. «جاستار» عىلىمي-زەرتتەۋ ورتالىعى مادەنيەت جانە اقپارات مينيسترلىگىنە «قازاقستان جاستارى» الەۋمەتتىك زەرتتەۋىنىڭ ناتيجەلەرىن تانىستىردى.
بۇل تۋرالى مينيسترلىكتىڭ باسپا ءسوز قىزمەتى مالىمدەدى.
ساراپشىلار جاستار ورتاسىنداعى باستى قۇندىلىقتار مەن مۇددەلەردى اتاپ ءوتتى. زەرتتەۋگە 14 پەن 34 جاس ارالىعىنداعى 2000 رەسپوندەنت قاتىستى.
ساۋالناما ناتيجەسى بويىنشا كوپشىلىگى (%80,1) وتباسىن نەگىزگى ومىرلىك قۇندىلىق دەپ سانايدى. وسىنداي ناتيجەلەردىڭ قورىتىندىسى ءتورت جىل قاتارىنان كورىنىپ وتىر.
ۇيدە كۇندەلىكتى ومىردە جاستار قازاق تىلىندە ءجيى سويلەيدى (72,9 پايىز).
قاتىسۋشىلار سونداي-اق جاس ۇرپاقتىڭ ءومىر ءسۇرۋ ساپاسى مەن بولاشاعىن جاقسارتۋعا باعىتتالعان تاجىريبەلەرىمەن جانە ازىرلەمەلەرىمەن ءبولىستى.
مۇنداي زەرتتەۋلەر جاستار ساياساتىنىڭ ءتيىمدى ستراتەگياسىن قۇرۋ ءۇشىن قاجەت.
اۆتور
ەلميرا ورالبايەۆا
