قازاقستان فرانسيانىڭ ۇسىنىسىنا نەگە ءۇن قاتپادى - دانيار اشىمبيەۆتىڭ پىكىرى
قازاقستاندىق ساياساتكەر دانيار اشىمبايەۆ 2023 -جىلعا قورىتىندى جاساپ، قازاقستان باستان وتكەرگەن نەگىزگى وقيعالار مەن جەتىستىكتەرگە توقتالدى، دەپ حابارلايدى Kazinform.
جىل اۋقىمدى ىشكى ساياسي قوزعالىسپەن، ونىڭ ىشىندە رەفورما، باستاما مەن كوپتەگەن سايلاۋ ناۋقاندارىن جۇرگىزۋمەن ەستە قالدى. دانيار اشىمبايەۆتىڭ پىكىرىنشە، قازاقستان باسشىلىعى سىرتقى مايداندا بەلسەندى بولدى.
«نەگىزگى مىندەتتەر ايتارلىقتاي تۇسىنىكتى. بىرىنشىدەن، قازاقستاننىڭ جاھاندىق جانە وڭىرلىك جانجالدارعا ارالاسىپ كەتۋىنە جول بەرمەۋ. ەكىنشىدەن، ەلدىڭ ىشكى ساياسي كەڭىستىگىن، ساياسي تۇراقتىلىق پەن ۇلتارالىق كەلىسىمدى سىرتقى ءقاۋىپ- قاتەردەن قورعاۋ. ۇشىنشىدەن، ءوتىپ بارا جاتقان جىلى تونگەن ءقاۋىپ پەن قاتەردى قازاقستان پايداسىنا شەشۋ»، - دەپ اتاپ ءوتتى ساياساتكەر.
دانيار اشىمبايەۆتىڭ پىكىرىنشە، توقايەۆ كومانداسى بۇل مىندەتتەردى دۇرىس ورىنداپ، الدىڭعى قاتارلى الەمدىك دەرجاۆالارمەن قارىم- قاتىناسىن نىعايتىپ، ءوز قاۋىپسىزدىگىنە كەپىلدىك الدى.
«ماسكەۋ، بەيجىڭ، ۆاشينگتون، انكارا، تەگەران، بريۋسسەلمەن قارىم- قاتىناس تۇراقتى، جۇيەلى جانە ديناميكالىق تۇردە دامىپ جاتىر. جەكە قارىم- قاتىناس پەن لوگيستيكا سالاسىنداعى باسەكەلەستىككە قاراماستان ورتالىق ازيادا C5+ فورماتى جۇمىس ىستەيدى. كۇش سالۋ ارقىلى ىشكى الاڭعا سىرتتىڭ قىسىمى مينيمال دەڭگەيدە ازايتىلدى. ءتۇرلى راديكال، پروۆاكاتسيالىق قۇرىلىمدار مەن جەكە تۇلعالاردىڭ كوزى جويىلدى. سىرتقى شوكتار سالدارىنا ەكونوميكا مەن تۇرعىنداردىڭ بەيىمدەلە الۋى دا ءرول اتقارىپ، ءبىرقاتار جانجال ايماعى اينالىپ ءوتتى. قازاقستان لوگيستيكانى جاڭعىرتىپ، ءبىر ۋاقىتتا شىعىس- باتىس جانە سولتۇستىك- وڭتۇستىك دالىزدەرى بويىنشا جۇمىس ىستەدى. ءوز كولىك جەلىلەرىن مودەرنيزاتسيالاپ، باسەكەلەس باعىتتاردى باسىپ وزۋعا، كورشىلەردىڭ قىزىعۋشىلىعىن وزىنە اۋدارۋعا تىرىستى. قازاقستان رەسەيمەن تاۋار اينالىمىن بىردەن ارتتىرىپ، باتىستىق سانكتسيالاردى اينالىپ وتۋگە تىرىسقانىن بايقاۋ قيىن ەمەس»، - دەپ اتاپ ءوتتى اشىمبايەۆ.
سونىمەن قاتار ول فرانسيا پرەزيدەنتى ەممانيۋەل ماكروننىڭ جاقىندا عانا بولعان استاناعا ساپارى تۋرالى ءسوز قوزعادى.
«فرانسيا پرەزيدەنتى ماكروننىڭ ساپارى دا نازارىمىزدى اۋدارماي قويمايدى. ول استاناعا سۇراۋشى رەتىندە - جەتكىزىلەتىن ەنەرگەتيكا مەن ۋران كولەمىن ارتتىرۋ تۋرالى كەلىسىمشارتتار ءۇشىن كەلدى. قازاقستان نەگە ناقتى جاۋاپ بەرمەگەنى دە تۇسىنىكتى، سەبەبى تاڭداۋ جەتكىلىكتى. ارينە، كەز كەلگەن جوبادا پوليتەس پەن وتەۋشى مانيەۆر ۇلەسى بولادى، ءبىراق قازاقستان مەن ونىڭ پرەزيدەنتى وسى باعىتتا نەگىزگى ستراتەگيالىق مىندەتتەردىڭ ءبارىن شەشە الدى» ، - دەپ ءتۇسىندىردى ول.
