قازاقستان اۋماعىنان 26 قىتايلىق شىعارىلدى
استانا. قازاقپارات- جامبىل وبلىسىندا كوشى- قونى سالاسىنداعى زاڭناماسىن بۇزعان 26 قىتاي ازاماتتارىنا قاتىستى سوت ۇكىمى شىقتى. بۇل تۋرالى جامبىل وبلىسىنىڭ سارىسۋ اۋداندىق سوتىنان حابارلاندى.
«2024 -جىلى قىركۇيەك ايىندا قىتاي ازاماتتارى ءتيىستى رۇقساتتى الماي، سالىنىپ جاتقان زاۋىتتىڭ اۋماعىندا جۇمىس ىستەگەن. سوتتا قۇقىق بۇزۋشىلار كىنالارىن مويىنداماي، ءبىرى تۋريست رەتىندە كەلگەنىن، ال ءبىرى جۇمىس ىزدەۋ ماقساتىندا كەلگەنىن ايتىپ كورسەتكەن. ق ر رۇقساتسىز ەڭبەك قىزمەتىن جۇزەگە اسىرۋ فاكتىسى اكىمشىلىك قۇقىق بۇزۋشىلىق تۋرالى حاتتامالارمەن، سونداي-اق ءىس بويىنشا جينالعان ماتەريالدارىمەن راستالدى»، - دەلىنگەن حابارلامادا.
سوت قاۋلىلارىمەن قىتايلىقتار كىنالى دەپ تانىلىپ، ولار قازاقستان اۋماعىنان شىعارىلدى.
قاۋلىلار زاڭدى كۇشىنە ەندى.
اۆتور
ەلميرا ورالبايەۆا
