قازاقستان ا ق ش ۇكىمەتىمەن جانە ىسكەرلىك ورتا وكىلدەرىمەن ءتيىمدى ىقپالداستىق ورناتۋعا بەيىل
نيۋ-يورك. KAZINFORM - مەملەكەت باسشىسى ا ق ش ساۋدا پالاتاسىنىڭ پرەزيدەنتى جانە باس اتقارۋشى ديرەكتورى سيۋزانن كلاركتى قابىلدادى، دەپ حابارلايدى اقوردانىڭ باسپا ءسوز قىزمەتى.
اڭگىمەلەسۋ بارىسىندا ەكىجاقتى تاۋار اينالىمىن ۇلعايتۋ ماقساتىندا ۇزاق مەرزىمدى ىنتىماقتاستىقتى جولعا قويۋ ماسەلەلەرى تالقىلاندى.
قاسىم-جومارت توقايەۆ جۋىردا قازاقستاندا جۇرگىزىلگەن جوعارى دەڭگەيدەگى امەريكالىق ساۋدا-ينۆەستيتسيالىق ميسسياسىنىڭ قورىتىندىسىن قۇپتاپ، ەلىمىز قۇراما شتاتتاردىڭ ورتالىق ازياداعى نەگىزگى سەرىكتەسى سانالاتىنىن اتاپ ءوتتى.
قازاقستان ا قش ۇكىمەتىمەن جانە ىسكەرلىك ورتا وكىلدەرىمەن ءتيىمدى ىقپالداستىق ورناتۋعا بەيىل. وسى ورايدا قاسىم-جومارت توقايەۆ اقش پرەزيدەنتى دونالد ترامپپەن وتكەن بۇگىنگى اڭگىمەلەسۋدىڭ، سونداي-اق ساۋدا ءمينيسترى گوۆارد لاتنيكپەن، ءبىرقاتار امەريكالىق ءىرى كومپانيالار باسشىلارىمەن كەزدەسۋدىڭ مازمۇنىن جوعارى باعالادى.
ا ق ش ساۋدا پالاتاسىنىڭ جەتەكشىسى ەكونوميكالىق بايلانىستاردى ودان ءارى كەڭەيتۋدىڭ ايتارلىقتاي الەۋەتى بار ەكەنىن راستادى. قاسىم-جومارت توقايەۆ پەن سيۋزانن كلارك ەكونوميكانىڭ ءتۇرلى سەكتورىندا بىرلەسكەن جوبالاردى جۇزەگە اسىرۋ پەرسپەكتيۆاسىن قاراستىردى.
بۇدان بۇرىن پرەزيدەنت امەريكانىڭ بيزنەس وكىلدەرىمەن وتكەن «دوڭگەلەك ۇستەل» وتىرىسىندا ءسوز سويلەدى.
