قازاقستاندا جول ەرەجەسىن جيى بۇزاتىندارعا بالدىق جۇيە ەنگىزىلۋى مۇمكىن

بۇل تۋرالى ۇكىمەتتەگى بريفينگتە ىشكى ىستەر ءمينيسترىنىڭ ورىنباسارى يگور لەپەحا ايتتى.

ونىڭ ايتۋىنشا، مۇنداي باستاما ايىپپۇلعا ءمان بەرمەيتىن جۇرگىزۋشىلەرگە بايلانىستى تۋىنداعان. كەيبىر ازاماتتار جىلىنا 50-100 ايىپپۇل تولەسە دە، جول ەرەجەسىن بۇزۋدى قويمايدى.

- مۇنداي ادامدارعا قارجىلىق شارالار اسەر ەتپەيدى. سوندىقتان وسىنداي ۇسىنىس پايدا بولدى. ءبىز كەڭەستىك كەزەڭدەگى تاجىريبەنى ەسكە الدىق. ول كەزدە جۇرگىزۋشى كۋالىگىندە ارنايى بەلگى قويىلاتىن. اكەلەرىمىز بەن اتالارىمىز مۇنداي بەلگىدەن قاتتى قورقاتىن. ياعني جۇرگىزۋشى ەرەجەنى ءبىر رەت بۇزسا، كۋالىگىنە بەلگى قويىلادى، ەكىنشى رەت تە سولاي. سودان كەيىن اتا-انالارىمىز جول ەرەجەسىن بۇزۋدان قاتتى ساقتاناتىن، - دەدى يگور لەپەحا.

الدىن الا ۇسىنىس بويىنشا جۇرگىزۋشىگە ءبىر جىل ىشىندە 20 بال جيناۋ شەگى بەلگىلەنۋى مۇمكىن. بال سانى جاسالعان قۇقىقبۇزۋشىلىقتىڭ اۋىرلىعىنا قاراي ەسەپتەلەدى. مىسالى، جىلدامدىقتى ساعاتىنا 10 شاقىرىمعا ارتتىرعانى ءۇشىن ءبىر بال، ال باعدارشامنىڭ تىيىم سالىنعان سيگنالىنا وتكەن جاعدايدا ءۇش بال ەسەپتەلۋى مۇمكىن.

الايدا ۆيتسە-مينيستر بۇل كورسەتكىشتەردىڭ ازىرگە تۇپكىلىكتى بەكىتىلمەگەنىن اتاپ ءوتتى.

- مۇنداي كورسەتكىشكە جول ەرەجەسىن جۇيەلى تۇردە بۇزاتىن، ياعني جۇرگىزۋشىلەردىڭ شامامەن 1 پايىزى جەتەدى. ونداي جاعدايدا جۇرگىزۋشى كۋالىگىنەن ايىرىلادى، - دەپ ءتۇسىندىردى ول.

جۇرگىزۋشى كۋالىگىنەن ايىرۋ مەرزىمى دە ازىرگە تالقىلانىپ جاتىر. قاراستىرىلىپ جاتقان نۇسقالاردىڭ ءبىرى - التى اي نەمەسە ءبىر جىلعا جۇرگىزۋ قۇقىعىنان ايىرۋ. ودان كەيىن جۇرگىزۋشى جول قوزعالىسى ەرەجەلەرىن ءبىلۋ دەڭگەيىن انىقتايتىن ەمتيحاندى قايتا تاپسىرۋى كەرەك بولادى.

ق ر ءى ءى م باس پروكۋراتۋرامەن بىرلەسىپ، بالدىق جۇيەنىڭ ءىس جۇزىندە قالاي جۇمىس ىستەيتىنىن دە تەكسەرگەن. پيلوتتىق جوبادا ماماندار جۇرگىزۋشىلەر جاساعان قۇقىقبۇزۋشىلىقتار ءۇشىن قانشا بال جيناۋى مۇمكىن ەكەنىن ەسەپتەپ كورگەن. بۇل رەتتە ناقتى بال ەسەپتەلىپ، ەشكىمگە جازا قولدانىلماعان.

- پيلوتتىق جۇيە اياسىندا ەشكىمدى جازالاعان جوقپىز. زاڭ قابىلدانبايىنشا، مۇنداي شارانى قولدانۋ زاڭسىز بولادى، - دەدى يگور لەپەحا.

ەگەر بالدىق جۇيە زاڭ جۇزىندە بەكىتىلسە، ىشكى ىستەر مينيسترلىگى ءاربىر قۇقىقبۇزۋشىلىق ءۇشىن قانشا بال ەسەپتەلەتىنىن انىقتايدى.

- مەنىڭشە، بۇل ماسەلەنى دەپۋتاتتىق باستاما تارتىبىمەن كوتەرەمىز. ەگەر دەپۋتاتتاردىڭ ءبىرى ءبىزدى قولداسا، بۇل ماسەلەنى قۋانا ۇسىنامىز. بۇل باعىتتاعى جۇمىستاردى كوكتەمدە باستاپ قويعانبىز. ەندى وسى جىلى ماسەلەنى قۇرىلتايدىڭ قاراۋىنا ەنگىزەمىز دەپ ويلايمىن، - دەدى ءى ءى م باسشىسىنىڭ ورىنباسارى.

ايتا كەتەيىك، قازاقستاندا جاڭا Stadler ۆاگوندارىن قازان ايىنىڭ سوڭى مەن قاراشا ايىنىڭ باسىندا جۇرە باستايدى.

قازاقستان پوليتسياسىنا 20 مىڭنان استام قىزمەتكەر جەتىسپەيدى.

بۇعان دەيىن يگور لەپەحا استانادا تۋريستىك پوليتسيادا قىزمەت ەتكەن ەكى قىزمەتكەردىڭ جۇمىستان بوساتىلۋى جونىندە تۇسىنىكتەمە بەردى.