قازاقستان پوليتسياسىنا 20 مىڭنان استام قىزمەتكەر جەتىسپەيدى

بۇل تۋرالى ىشكى ىستەر ءمينيسترىنىڭ ورىنباسارى يگور لەپەحا مالىمدەدى.

ونىڭ ايتۋىنشا، ۋچاسكەلىك پوليتسيا ينسپەكتورلارى مەن كامەلەتكە تولماعاندار ءىسى جونىندەگى ينسپەكتورلار اراسىندا دا كادر تاپشىلىعى بار.

- قازىر پاترۋلدىك پوليتسيا، ۋچاسكەلىك ينسپەكتورلار، كامەلەتكە تولماعاندار ءىسى جونىندەگى ينسپەكتورلار جەتىسپەيتىنى ەشكىمگە قۇپيا ەمەس. پاترۋلدىك پوليتسياعا كەمىندە تاعى 10 مىڭ ادام قاجەت. ويتكەنى ولار قوعامدىق ءتارتىپتى ساقتاۋمەن قاتار، جول قاۋىپسىزدىگىن قامتاماسىز ەتەدى جانە قالا سىرتىنداعى جولداردا قىزمەت اتقارادى، - دەدى يگور لەپەحا ۇكىمەتتەگى بريفينگتە.

ۆيتسە-مينيستر كادرعا دەگەن قاجەتتىلىك جاڭا شاعىن اۋدانداردىڭ، ەلدى مەكەندەر مەن مەكتەپتەردىڭ پايدا بولۋىنا بايلانىستى ارتىپ وتىرعانىن جەتكىزدى.

- بۇل بولىمشەلەردىڭ بارلىعى جەرگىلىكتى بيۋجەت ەسەبىنەن قارجىلاندىرىلادى. قازىر اكىمدەرمەن جۇمىس ىستەپ جاتىرمىز. بيۋجەتتىڭ مۇمكىندىگىنە قاراي، ەڭ الدىمەن وسى بولىمشەلەردەگى قىزمەتكەرلەر سانىن كەزەڭ-كەزەڭىمەن كوبەيتۋ ماسەلەسىن قاراستىرىپ جاتىرمىز. پرەزيدەنت اكىمشىلىگىنىڭ ماقۇلداۋى مەن ۇكىمەتتىڭ قولداۋى بولسا، كەلەر جىلدان باستاپ بۇل بولىمشەلەردىڭ شتات سانىن كەزەڭ-كەزەڭىمەن ارتتىرامىز دەپ ۇمىتتەنەمىز، - دەدى ول.

سونىمەن بىرگە، يگور لەپەحا پاترۋلدىك پوليتسياعا قاجەت 10 مىڭ قىزمەتكەر جالپى قاجەتتىلىكتىڭ ءبىر بولىگى عانا ەكەنىن ايتتى.

- ءبىز ايتىپ وتىرعان ماسەلەلەرمەن اينالىساتىن جەرگىلىكتى اكىمشىلىك پوليتسيا قىزمەتكەرلەرىنىڭ وزىنە 20 مىڭنان استام ادام جەتىسپەيدى، - دەپ ناقتىلادى ءى ءى م باسشىسىنىڭ ورىنباسارى.

ايتا كەتەيىك، ەلىمىزدە جول اپاتى كوپ بولاتىن جەرلەرگە مەديتسينالىق-قۇتقارۋ بەكەتتەرى جاقىنداتىلادى.

كولىك جۇرگىزۋ قۇقىعىنان ايىرىلعاندار تاكسيدە قىزمەت ەتە المايدى.

سونداي-اق جاڭادان كولىك جۇرگىزە باستاعان ازاماتتاردى دايارلاۋ ساپاسىنا تالاپ كۇشەيتىلەدى.