قازاقستان قولما-قول اقشاسىز ەكونوميكا بويىنشا كوش باستاپ تۇر

- قازاقستان - قولما-قول اقشاسىز ەكونوميكانى دامىتۋ بويىنشا وڭىردەگى ءسوزسىز كوشباسشى. وتكەن جىلدىڭ قورىتىندىسى بويىنشا قولما-قول اقشاسىز تولەمدەردىڭ ۇلەسى 90 پايىزدان استى جانە ءوسىپ كەلەدى. سالىستىرۋ ءۇشىن ايتساق، ت م د ەلدەرىندەگى ورتاشا كورسەتكىش 60 پايىزعا دا جەتپەيدى،- دەدى بينۇر جالەنوۆ.

ونىڭ سوزىنشە، سوڭعى جىلدارى قولما-قول اقشاسىز ەكونوميكانىڭ كولەمى قارقىندى ءوستى. اتاپ ايتقاندا، 2016-2025-جىلدارى قولما-قول اقشاسىز تولەمدەر كولەمى 116 ەسە ءوسىپ، 1,6 تريلليون تەڭگەدەن 188 تريلليون تەڭگەگە جەتكەن.

- قولما-قول اقشاسىز تولەم قابىلدايتىن ينفراقۇرىلىم دا كەڭەيدى. سوڭعى ون جىلدا POS تەرمينالدار سانى 1,3 ميلليون قۇرىلعىعا جەتىپ وتىر،-دەدى سپيكەر.

بينۇر جالەنوۆتىڭ ايتۋىنشا، مۇنداي ناتيجەگە مەملەكەتتىك سيفرلاندىرۋ ساياساتى، حالىقتىڭ سيفرلىق سەرۆيستەردى بەلسەندى پايدالانۋى جانە قارجى نارىعىنداعى باسەكەنىڭ كۇشەيۋى ىقپال ەتكەن.

ەسكە سالايىق، 17-شىلدەدە قازاقستاندا بانكارالىق QR ارقىلى تولەم جاساۋ سەرۆيسى ىسكە قوسىلدى. ال 19-شىلدەدەن باستاپ ءبىرىڭعاي QR جۇيەسىنە قاتىسۋ بارلىق ەكىنشى دەڭگەيلى بانك ءۇشىن مىندەتتى بولادى.