قازاقستان ۇلتتىق يادرولىق ورتالىعىنىڭ باس ديرەكتورى بولدى

عۇمار سەرعازيننىڭ اتوم سالاسىندا مەملەكەتتىك باسقارۋ سالاسىندا كوپ جىلدىق تاجىريبەسى بار. ءار جىلدارى ول ق ر ەنەرگەتيكا مينيسترلىگىنىڭ اتوم جانە ەنەرگەتيكالىق قاداعالاۋ جانە باقىلاۋ كوميتەتىندە باسشىلىق قىزمەتتەر اتقاردى، 2017-2023 -جىلدارى كوميتەت ءتوراعاسىنىڭ ورىنباسارى بولدى. 2023 -جىلدان باستاپ ق ر ەنەرگەتيكا مينيسترلىگىنىڭ اتوم ەنەرگەتيكاسى جانە ونەركاسىبى دەپارتامەنتىن باسقاردى، كەيىننەن ق ر اتوم ەنەرگياسى جونىندەگى اگەنتتىگى ءتوراعاسىنىڭ ورىنباسارى بولىپ تاعايىندالدى.

ول جەتەكشىلىك ەتەتىن ماسەلەلەر قاتارىنا اتوم سالاسىن دامىتۋ، ونىڭ ىشىندە يادرولىق جانە رادياتسيالىق قاۋىپسىزدىكتى، فيزيكالىق يادرولىق قاۋىپسىزدىكتى قامتاماسىز ەتۋ جانە يادرولىق قارۋدى تاراتپاۋ رەجيمىن قامتاماسىز ەتۋ كىردى.

ونىڭ كاسىبي قىزمەتىندە اتوم سالاسىنداعى حالىقارالىق ىنتىماقتاستىق ماڭىزدى ورىن الادى. عۇمار سەرعازين قازاقستان رەسپۋبليكاسىنىڭ ت م د- عا قاتىسۋشى مەملەكەتتەردىڭ اتوم ەنەرگياسىن بەيبىت ماقساتتا پايدالانۋ جونىندەگى كوميسسياسىنداعى رەسمي وكىلى، ا ە حا حالىقارالىق تومەن بايىتىلعان ۋران بانكىنىڭ (IAEA LEU Bank) ۇيلەستىرۋ كوميسسياسىنىڭ تەڭ ءتوراعاسى، سونداي-اق قازاقستان رەسپۋبليكاسىنان اەحا ۇلتتىق ۇيلەستىرۋشىسى (IAEA National liaison Officer، NLO) سانالادى.

عۇمار سەرعازيننىڭ ا ە ح ا-مەن تەحنيكالىق ىنتىماقتاستىق سالاسىنداعى جۇمىسى كەزەڭىندە ايتارلىقتاي پروگرەسكە قول جەتكىزىلدى، ا ە ح ا- مەن تەحنيكالىق كووپەراتسيانىڭ قازاقستاندىق جوبالارىن ىسكە اسىرۋ دەڭگەيى ايتارلىقتاي ءوستى. ونىڭ تىكەلەي قاتىسۋىمەن اتوم ەنەرگەتيكاسىن، رادياتسيالىق قاۋىپسىزدىكتى، راديواكتيۆتى قالدىقتارمەن جۇمىس ىستەۋدى جانە يادرولىق مەديتسينانى دامىتۋعا باعىتتالعان جالپى قۇنى 5,2 ميلليون ا ق ش دوللارىن قۇرايتىن ا ە ح ا-مەن تەحنيكالىق ىنتىماقتاستىقتىڭ 16 ۇلتتىق جوباسى ىسكە اسىرىلدى.

سونىمەن قاتار ونىڭ كومەگىمەن قازاقستاننىڭ 1000 نان استام مامانى ا ە ح ا وقۋ كۋرستارىنا، سەمينارلارعا، عىلىمي ساپارلارعا جانە باسقا دا ءىس-شارالارعا قاتىستى.

مەملەكەتتىك باسقارۋ سالاسىنداعى پراكتيكالىق قىزمەتپەن قاتار عۇمار سەرعازين اتوم سالاسىنىڭ زاڭنامالىق جانە نورماتيۆتىك بازاسىن جەتىلدىرۋگە قاتىستى. اتاپ ايتقاندا، «اتوم ەنەرگياسىن پايدالانۋ تۋرالى»، «سەمەي يادرولىق قاۋىپسىزدىك ايماعى تۋرالى»، «راديواكتيۆتى قالدىقتارمەن جۇمىس ىستەۋ تۋرالى» قازاقستان رەسپۋبليكاسىنىڭ زاڭدارىمەن جۇمىس ىستەۋگە تىكەلەي قاتىستى.

- تاعايىنداۋ قازاقستاننىڭ اتوم سالاسى الدىندا تۇرعان جاڭا اۋقىمدى مىندەتتەر كەزەڭىنە كەلەدى. قازاقستاننىڭ اتوم سالاسىنىڭ ستراتەگيالىق وبەكتىسى رەتىندە ۇلتتىق يادرولىق ورتالىققا اتوم ەنەرگەتيكاسى، يادرولىق جانە تەرمويادرولىق تەحنولوگيالار قاۋىپسىزدىگى سالاسىنداعى زەرتتەۋلەردى ودان ءارى دامىتۋ، عىلىمي- تەحنيكالىق بازانى نىعايتۋ، حالىقارالىق ىنتىماقتاستىقتى دامىتۋ جانە ەلدىڭ اتوم سالاسىنىڭ ستراتەگيالىق مىندەتتەرىن ىسكە اسىرۋعا قاتىسۋ مىندەتى تۇر. ونىڭ باسشىلىعىمەن اتوم ەنەرگەتيكاسىن دامىتۋ، يادرولىق جانە رادياتسيالىق قاۋىپسىزدىكتى نىعايتۋ، بۇرىنعى سەمەي سىناق پوليگونىن ەكولوگيالىق وڭالتۋ جانە قازاقستاننىڭ يادرولىق تاراتپاۋ سالاسىنداعى حالىقارالىق مىندەتتەمەلەرىن ورىنداۋ مۇددەسىندە عىلىمي-تەحنيكالىق جوبالاردى ىسكە اسىرۋ جالعاستىرىلاتىن بولادى. جيناقتالعان جانە تۇزىلەتىن راديواكتيۆتى قالدىقتارمەن قاۋىپسىز جۇمىس ىستەۋ ءۇشىن قاجەتتى ينفراقۇرىلىم مەن ۇيىمداستىرۋ تەتىكتەرىن قۇرۋدى قوسا العاندا، راديواكتيۆتى قالدىقتارمەن جۇمىس ىستەۋ جۇيەسىن دامىتۋعا ەرەكشە نازار اۋدارىلاتىن بولادى، - دەلىنگەن اگەنتتىك تاراتقان اقپاراتتا.

بۇعان دەيىن مەملەكەت باسشىسىنىڭ وكىمىمەن عۇمار ەكپىن ۇلى سەرعازين قازاقستان رەسپۋبليكاسىنىڭ اتوم ەنەرگياسى جونىندەگى اگەنتتىگى ءتوراعاسىنىڭ ورىنباسارى لاۋازىمىنان بوساتىلعانى حابارلاندى.