قايىرىمدىلىققا اقشا جيناعان بلوگەرلەر سالىق ورگاندارىنا ەسەپ بەرەتىن بولادى

Мобильді аударымдарды тексеру не үшін қажет
Фото: ortalyq.kz

  ۇكىمەتتىڭ باسپا ءسوز ورتالىعىندا قارجى ۆيتسە- ءمينيسترى ەرجان ءبىرجانوۆ قايىرىمدىلىق ماقساتتا اقشا جينايتىن بلوگەرلەردىڭ ءموبيلدى اۋدارىمدارى قالاي قاداعالاناتىنىن ايتتى، دەپ Kazinform.

«بۇگىندە بلوگەرلەردىڭ كوبى كاسىپكەر رەتىندە تىركەلمەگەن. ولار الەۋمەتتىك جەلىدە تىكەلەي ەفير ارقىلى ۇتىس ويناتىپ، قايىرىمدىلىق قورىنا اقشا جينايدى. ولاردىڭ موبيلدى اۋدارىمى تەكسەرىلە مە؟»- دەپ سۇرادى جۋرناليست.

ەرجان ءبىرجانوۆ مۇنداي ماقساتتا جاسالعان اۋدارىمدار دا «100 اۋدارىم» قاعيداتى بويىنشا سالىق ورگاندارىنىڭ نازارىنا ىلىگەتىنىن ايتتى.

«تەك بلوگەرلەر عانا ەمەس، باسقا ازاماتتار دا وسىلاي اقشا جيناۋى مۇمكىن. بۇل قاراجات بالانىڭ ەمىنە ارنالسا جانە موبيلدى اۋدارىم سانى 100 دەن اسسا، ەندىگى جىلى بىزگە ول تۋرالى ءتيىستى مالىمەت تۇسەدى. سودان ءبىز بۇل ازاماتقا ارنايى حابارلاما جىبەرەمىز. ازامات نەمەسە بلوگەر «ءيا، مەن قاڭتار، اقپان، ناۋرىزدا وسىنداي اقشا جيناعان ەدىم. كاسىپكەرلىك ماقساتتا ەمەس، اقشانى وسى باعىتتا جۇمسادىم. جىبەرىلگەن اقشانىڭ رەكۆيزيتى بار» دەپ وزىنە اۋدارىلعان اقشانىڭ قانداي ماقساتتا جۇمسالعانىن ءتۇسىندىرىپ بەرۋگە ءتيىس. مۇنداي جاعدايدا وعان ادامعا سۇراق تۋىندامايدى، سالىق مىندەتى قويىلمايدى. اقشا جينايتىن ادام قارجىنى نە ءۇشىن جيناپ جاتقانىن ناقتى ءبىلۋى ءتيىس. ەگەر كاسىپكەرلىك نەمەسە جارناما بولسا، سالىق مىندەتتەمەسى بولادى. قايىرىمدىلىققا جينالسا، ادام ەشقانداي جاۋاپكەرشىلىككە تارتىلمايدى، سالىق تولەمدەرى پايدا بولمايدى»، - دەدى ۆيتسە- مينيستر.

سوڭعى جاڭالىقتار