قاسىم-جومارت توقايەۆ وزبەكستان پرەزيدەنتىنە كوڭىل ايتتى
استانا. KAZINFORM - مەملەكەت باسشىسى قاسىم-جومارت توقايەۆ «شىمكەنت- سامارا» تاس جولىندا بولعان جول اپاتىنان وزبەكستاندىق سەگىز ازاماتتىڭ قازا تابۋىنا بايلانىستى پرەزيدەنت شاۆكات ميرزيەيەۆكە كوڭىل ايتتى، دەپ حابارلايدى اقوردانىڭ باسپا ءسوز قىزمەتى.
قازاقستان پرەزيدەنتى قارا جامىلعان وتباسىلاردىڭ قايعىسىنا ورتاقتاسىپ، جىلى لەبىز ءبىلدىردى.
ايتا كەتەيىك، كەشە سامارا-شىمكەنت تاسجولىندا، مارجانبۇلاق اۋىلىنىڭ ماڭىندا Volvo جۇك كولىگى مەن وزبەكستان رەسپۋبليكاسى ازاماتىنىڭ باسقارۋىنداعى Toyota-Аlhpard كولىگى سوقتىعىستى. اپات سالدارىنان مينيۆەننىڭ جۇرگىزۋشىسى مەن 7 جولاۋشىسى قازا تاپتى. بارلىعى دا وزبەكستان رەسپۋبليكاسىنىڭ ازاماتتارى.
بولجام بويىنشا قوزعالىس كەزىندە جۇك كولىگىنىڭ دوڭگەلەگى جارىلعان، سالدارىنان جۇرگىزۋشى كولىكتىڭ باعىتىن باقىلاي الماي، قارسى جولاققا شىعىپ كەتكەن.
