قاسىم- جومارت توقايەۆ تاياۋ شىعىستاعى قازىرگى احۋالعا پىكىر ءبىلدىردى

 ت م د- عا مۇشە مەملەكەتتەر باسشىلارى كەڭەسىنىڭ وتىرىسىنا قاتىسىپ جاتقان پرەزيدەنت قاسىم- جومات توقايەۆ تاياۋ شىعىستاعى قازىرگى احۋالعا قاتىستى پىكىر ءبىلدىردى، دەپ حابارلايدى kazinform اقورداعا سىلتەمە جاساپ.

Президент Казахстана высказался о нынешней ситуации на Ближнем Востоке
Фото: Фото: пресс-службу Акорды.

«قازاقستان حالىقارالىق وزەكتى پروبلەمالاردى شەشۋ ءۇشىن لاڭكەستىك ادىستەردى قولدانۋعا مۇلدەم قارسى. ونداعان جىل بويى شەشىمىن تاپپاي كەلە جاتقان مىندەتتەردى جۇزەگە اسىرۋ ءۇشىن بەيبىت ازاماتتارعا زورلىق- زومبىلىق كورسەتىپ، تەررورلىق اكسيالار جاساۋعا بولمايدى. بۇل - ەش اقتاۋعا كەلمەيتىن ارەكەت» - دەدى پرەزيدەنت.

سونىمەن قاتار قاسىم- جومارت توقايەۆ قازاقستاننىڭ حالىقارالىق قاتىناستاردا ادىلدىك قاعيداتىن ورناتۋدى، حالىقارالىق قوعامداستىقتىڭ بارلىق مۇشەسىنىڭ زاڭدى جانە ەگەمەندىك قۇقىعىن ەسكەرە وتىرىپ، ونى دەموكراتيالاندىرۋدى جاقتايتىنىن جەتكىزدى.

مەملەكەت باسشىسى ب ۇ ۇ قاۋىپسىزدىك كەڭەسىندەگى قازىرگى توقىراۋ جاعدايىندا امبەباپ ۇيىمنىڭ وكىلدىك اياسى اناعۇرلىم كەڭ ورگانى سانالاتىن ب ۇ ۇ باس اسسامبلەياسىنىڭ ءرولىن كۇشەيتۋگە مۇمكىندىك بار ءارى قاجەت دەپ ەسەپتەيدى.

«بۇل رەتتە ب ۇ ۇ قاۋىپسىزدىك كەڭەسىن رەفورمالاۋ ىسىندە اسىعىستىق تانىتۋعا بولمايدى. ءبىزدىڭ ويىمىزشا، بۇل ماڭىزدى ورگانعا الەمنىڭ بارلىق ايماعىنىڭ ەلدەرى، سونىڭ ىشىندە جاھاندىق وڭتۇستىك مەملەكەتتەرى مۇشە بولۋعا ءتيىس. شىن مانىندە، بۇل ۇستانىمدى وسى جيىنعا قاتىسىپ وتىرعان مەملەكەتتەر باسشىلارىنىڭ بارلىعى قۇپتايتىنى قۋانتادى»، - دەدى پرەزيدەنت.

كەڭەستە سونداي- اق، قىرعىزستان پرەزيدەنتى سادىر جاپاروۆ، ازەربايجان پرەزيدەنتى يلحام الييەۆ، بەلارۋس پرەزيدەنتى الەكساندر لۋكاشەنكو، رەسەي پرەزيدەنتى ۆلاديمير پۋتين، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى سەردار بەردىمۇحامەدوۆ، وزبەكستان پرەزيدەنتى شاۆكات ميرزيەيەۆ، ت م د باس حاتشىسى سەرگەي لەبەديەۆ ءسوز سويلەدى.

ەسكە سالايىق، قازاقستان پرەزيدەنتى قاسىم- جومارت توقايەۆ بۇگىن قىرعىزستانعا جۇمىس ساپارىمەن باردى.

مەملەكەت باسشىسىن «الا- ارچا» رەزيدەنتسياسىندا قىرعىزستان پرەزيدەنتى سادىر جاپاروۆ قارسى الدى.

ت م د- عا مۇشە مەملەكەتتەر باسشىلارى كەڭەسىنىڭ وتىرىسىندا ق. توقايەۆ، سونداي- اق سيفرلىق شەشىمدەردى ەنگىزۋ شارالارىنىڭ ماڭىزىنا توقتالدى، ت م د ۆولونتەرلەرىنىڭ جىل سايىنعى فورۋمىن وتكىزۋدى ۇسىنىپ، ت م د فورماتىنداعى بەلسەندى ىقپالداستىقتى جالعاستىرۋعا شاقىردى.

ايتا كەتەيىك، 2024 -جىلدىڭ 1-قاڭتارىنان ت م د ورگاندارىنا ءتوراعالىق ەتۋ رەسەي فەدەراتسياسىنا وتەدى.

سوڭعى جاڭالىقتار