قاسىم-جومارت توقايەۆ پرەزيدەنت زۋزانا چاپۋتوۆانى سلوۆاك رەسپۋبليكاسىنىڭ قۇرىلعان كۇنىمەن قۇتتىقتادى
قاسىم-جومارت توقايەۆ قازاقستان حالقىنىڭ جانە جەكە ءوزىنىڭ اتىنان زۋزانا چاپۋتوۆانى سلوۆاك رەسپۋبليكاسىنىڭ قۇرىلعان كۇنىمەن قۇتتىقتادى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
- ەگەمەندىك پەن بىرلىك قۇندىلىقتارىن تۋ ەتكەن ەلىڭىز بۇگىندە ءوزىنىڭ الەۋمەتتىك-ەكونوميكالىق دامۋى مەن ازاماتتارىنىڭ ىرىس-بەرەكەسىن ەسەلەۋدە، سونداي-اق حالىقارالىق ساحناداعى بەدەلىن ارتتىرۋدا بيىك بەلەستەردى باعىندىرىپ كەلەدى. وسى تۇستا وتانىڭىز باياندى وركەندەۋىن جالعاستىرىپ، يگى ماقسات- مۇراتتارعا جەتە بەرۋىنە تىلەكتەستىگىمدى بىلدىرەمىن. قازاقستان مەن سلوۆاكيا اراسىندا قالىپتاسقان ءوزارا ءتيىمدى ىنتىماقتاستىق قارقىندى دامىپ كەلە جاتقانىن ەرەكشە اتاپ وتەمىن. ەكىجاقتى ىقپالداستىعىمىز كەلەشەكتە دە زور جەتىستىكتەرگە تولى بولاتىنىنا كامىل سەنىمدىمىن، - دەپ جازىلعان جەدەلحاتتا.
قاسىم-جومارت توقايەۆ زۋزانا چاپۋتوۆانىڭ اسا جاۋاپتى قىزمەتىنە تولايىم تابىس، ال سلوۆاك حالقىنا باق-بەرەكە تىلەدى.
