قاسىم-جومارت توقايەۆ قازاقستاندىقتاردى قۇربان ايت مەرەكەسىمەن قۇتتىقتادى
استانا. KAZINFORM - مەملەكەت باسشىسى قاسىم-جومارت توقايەۆ قازاقستان حالقىن قۇربان ايت مەرەكەسىمەن قۇتتىقتادى.
ارداقتى اعايىن!
قۇربان ايت مەرەكەسى قۇتتى بولسىن! بارشا مۇسىلمان قاۋىم ءۇشىن قاسيەتتى سانالاتىن بۇل مەيرام - يماندىلىق پەن ىزگىلىكتىڭ سيمۆولى.
ايت كۇندەرى مۇقتاج جاندارعا جاقسىلىق جاساپ، كومەك كورسەتۋ - اتا-بابالارىمىزدان جالعاسىپ كەلە جاتقان يگى ءداستۇر. اسىل ءدىنىمىز ازاماتتاردى ءبىر-ءبىرىن قۇرمەتتەۋگە، جاقىندارىنا جاناشىر بولۋعا ۇندەيدى. باۋىرلاستىق پەن سىيلاستىقتى دارىپتەيدى. حالقىمىزدىڭ بەرەكەلى بىرلىگى وسىنداي ىزگى قۇندىلىقتاردىڭ ارقاسىندا نىعايا تۇسەدى.
قۇربان ايت - ىرىستى ىنتىماقتىڭ مەرەكەسى. ءبىز ەلىمىزدەگى تۇراقتىلىقتىڭ ءقادىرىن ءبىلىپ، تاتۋلىقتى ساقتاۋ ارقىلى كەز-كەلگەن سىننان سۇرىنبەي ءوتىپ، بيىك ماقساتتارعا جەتەمىز. ادىلەتتى، تازا، قاۋىپسىز ءارى قۋاتتى قازاقستاندى بىرگە قۇرامىز. قۇربان ايت كەزىندە ايتىلار دۇعا-تىلەكتەر قابىل بولسىن! ءار شاڭىراققا قۇت-بەرەكە قونسىن! ايتتان ايتقا امان-ەسەن جەتە بەرەيىك!
