20:14, 06 - مامىر 2025 | GMT +5
قاسىم-جومارت توقايەۆ پەن تو لام قازاقستانداعى ۆەتنام مادەنيەتى كۇندەرىنە ارنالعان كونسەرتتى تاماشالادى
استانا. KAZINFORM - قاسىم-جومارت توقايەۆ پەن تو لام قازاقستانداعى ۆەتنام مادەنيەتى كۇندەرى اياسىندا ۇيىمداستىرىلعان كونسەرتتى تاماشالادى، دەپ حابارلايدى اقوردانىڭ باسپا ءسوز قىزمەتى.
«استانا وپەرا» تەاترىنىڭ ساحناسىندا مارتەبەلى قوناقتار مەن ەلوردا جۇرتشىلىعىنا حانوي فيلارمونيا وركەسترى، «استانا بالەت» تەاترىنىڭ سيمفونيالىق وركەسترى، «استانا وپەرا» مەملەكەتتىك وپەرا جانە بالەت تەاترىنىڭ حورى، سونداي-اق قازاق جانە ۆەتنام حالىقتارىنىڭ بەلگىلى مادەنيەت قايراتكەرلەرى ونەر كورسەتتى.
ايتا كەتەيىك، ۆەتنام كوممۋنيستىك پارتياسى ورتالىق كوميتەتىنىڭ باس حاتشىسى تو لام ەلىمىزگە مەملەكەتتىك ساپارمەن كەلدى.
وسىعان دەيىن قازاقستان مەن ۆەتنام اراسىندا ستراتەگيالىق سەرىكتەستىك ورناتۋ تۋرالى بىرلەسكەن مالىمدەمە جاسالعانى تۋرالى جازدىق.
