10:56, 26 - قازان 2023 | GMT +6
قاسىم-جومارت توقايەۆ اۋستريانىڭ فەدەرالدىق پرەزيدەنتىنە قۇتتىقتاۋ جەدەلحاتىن جولدادى
قاسىم-جومارت توقايەۆ الەكساندر ۆان دەر بەللەندى جانە اۋستريا حالقىن اۋستريا رەسپۋبليكاسىنىڭ ۇلتتىق كۇنىمەن قۇتتىقتادى، دەپ حابارلايدى Kazinform اقوردانىڭ رەسمي سايتىنا سىلتەمە جاساپ.
- قازاقستاننىڭ ەۋروپا كەڭىستىگىندەگى سەنىمدى سەرىكتەسىنىڭ ءبىرى سانالاتىن اۋستريامەن ءداستۇرلى دوستىق جانە ءوزارا قولداۋ رۋحىنداعى كوپجاقتى ىنتىماقتاستىعىمىز الداعى ۋاقىتتا نىعايا تۇسەتىنىنە كامىل سەنىمدىمىن، - دەپ جازىلعان جەدەلحاتتا.
مەملەكەت باسشىسى قاسىم-جومارت توقايەۆ پرەزيدەنت الەكساندر ۆان دەر بەللەننىڭ اسا جاۋاپتى قىزمەتىنە تولايىم تابىس، ال دوستاس اۋستريا حالقىنا قۇت-بەرەكە تىلەدى.
