قاسىم-جومارت توقايەۆ لاوس پرەزيدەنتى تحونگلۋن سيسۋليتتى ەلوردا اۋەجايىنان شىعارىپ سالدى

ايتا كەتەيىك، قاسىم-جومارت توقايەۆ لاوس باسشىلىعىنىڭ ەلىمىزگە العاشقى ساپارىن ماڭىزدى قادام رەتىندە باعالادى.

- ەڭ الدىمەن مەنىڭ شاقىرۋىمدى قابىل الىپ، قازاقستانعا رەسمي ساپارمەن كەلگەنىڭىز ءۇشىن وزىڭىزگە شىنايى العىسىمدى، ريزاشىلىعىمدى بىلدىرەمىن. بۇل - لاوس باسشىلىعىنىڭ ەلىمىزگە جاساعان العاشقى، تۇڭعىش ساپارى. مۇنى ءبىز ماڭىزدى قادام دەپ قابىلدايمىز. بۇل ساپاردىڭ ءمان-ماعىناسى ەرەكشە، ايرىقشا دەپ ايتۋعا بولادى. وسى تاريحي ساپار ەلدەرىمىزدىڭ ىنتىماقتاستىعىن نىعايتۋعا تىڭ سەرپىن بەرەرى ءسوزسىز، - دەدى پرەزيدەنت كەڭەيتىلگەن قۇرامداعى كەلىسسوزدەر بارىسىندا.

سونداي-اق قازاقستان پرەزيدەنتى لاوس كومپانيالارىنا قازاقستان نارىعىنا شىعۋدىڭ ءتيىمدى جولىن ۇسىندى.

- ا ح ق و بيزنەس اشۋ مەن ينۆەستيتسيا تارتۋدىڭ حالىقارالىق الاڭىنا اينالدى. وندا الەمنىڭ 90 نان اسا ەلىنەن كەلگەن 6300 دەن استام كومپانيا تىركەلگەن. ا ح ق و پلاتفورماسى ارقىلى قازاقستانعا 27 ميلليارد دوللار ينۆەستيتسيا تارتىلدى. ا ح ق و لاوس كومپانيالارى ءۇشىن قازاقستان نارىعىنا شىعاتىن ءارى ورتالىق ازياداعى قىزمەتىن كەڭەيتەتىن ءتيىمدى قۇرال بولا الادى، - دەدى ول.

لاوس پرەزيدەنتى قازاقستاننىڭ ماماندار دايارلاۋعا كورسەتكەن قولداۋىن جوعارى باعالادى.

ساپار سوڭىندا لاوس پرەزيدەنتى قازاقستان رەسپۋبليكاسىنىڭ ۇلتتىق مۋزەيىن ارالاپ كودى.