قارجى جىمقىرعان - «بالقاش جىلۋ» ديرەكتورىنىڭ ورىنباسارى مەن باس بۋحالتەرى سوتتالدى
استانا. KAZINFORM - «بالقاش جىلۋ» ج ش س ديرەكتورىنىڭ بۇرىنعى ورىنباسارى جانە كاسىپورىننىڭ باس بۋحالتەرى بيۋدجەت قاراجاتىن ۇرلاعانى ءۇشىن سوتتالدى، دەپ حابارلايدى ق م ا باسپا ءسوز قىزمەتى.
اتالعان ازاماتتارعا قاتىستى قىلمىستىق ءىستى ق ر قارجىلىق مونيتورينگى اگەنتتىگى تەرگەپ-تەكسەردى.
سوتتالعان ازاماتتار 2020 -جىلعى ماۋسىم مەن 2023 -جىلعى قاڭتار ارالىعىندا بالقاش ج ە و مەن بالقاش قالاسىن جىلۋمەن جابدىقتاۋ جەلىلەرىن جوندەۋگە جانە جۇمىسىن ۇزدىكسىز قامتاماسىز ەتۋگە ارنالعان بيۋدجەت قاراجاتىن ءىس جۇزىندە قانداي دا ءبىر ازاماتتىق-قۇقىقتىق مامىلەلەر جاسالماعان جالعان كاسىپورىنداردىڭ شوتتارىنا نەگىزسىز اۋدارۋ جولىمەن ۇرلاعان.
جالپى سوماسى 708 ميلليون تەڭگە بولاتىن ۇرلانعان قاراجات ونى پايدالانۋدان كىرىس الۋ ءۇشىن جىلجىمايتىن مۇلىكپەن مامىلەلەر جاساۋ ارقىلى زاڭداستىرىلدى.
تەرگەۋ بارىسىندا كۇدىكتىلەر 144 ميلليون تەڭگەنى اقشالاي قايتاردى.
كىنالى ادامداردى سوت 5,5 جىل جانە 5 جىل باس بوستاندىعىنان ايىردى. سوت ۇكىمى زاڭدى كۇشىنە ەنگەن جوق.
مەملەكەت كىرىسىنە 3 بولمەلى پاتەر مەن Lexus اۆتوكولىگى تاركىلەندى.
اۆتور
ەربول جانات
