قالا جانە اۋدان اكىمدەرى: وسى اپتادا قاي وڭىردە ەڭ كوپ تاعايىنداۋ بولدى

مەملەكەت باسشىسىنىڭ جارلىعىمەن قازاقستان رەسپۋبليكاسى كونستيتۋتسيالىق سوتىنىڭ سۋدياسى باقىت مارات ۇلى نۇرمۇحانوۆ كونستيتۋتسيالىق سوت ءتوراعاسىنىڭ ورىنباسارى لاۋازىمىنا تاعايىندالدى.

باقىت مارات ۇلى 1979 -جىلعى 13-مامىردا دۇنيەگە كەلگەن. شىعىس قازاقستان مەملەكەتتىك ۋنيۆەرسيتەتىن «قۇقىق تانۋ» ماماندىعى بويىنشا 2000 -جىلى بىتىرگەن. زاڭ عىلىمدارىنىڭ كانديداتى (2010).

بۇرىنعى سەنات ءتوراعاسى ماۋلەن اشىمبايەۆ زايد اتىنداعى حالىقارالىق ادامزات باۋىرلاستىعى سىيلىعىنىڭ قازىلار القاسىنىڭ قۇرامىنا سايلاندى.

ماۋلەن اشىمبايەۆ قازىلار القاسىنىڭ قۇرامىنا (Judging Committee) مىسىرداعى ءال-ازھاردىڭ باس يمامى احماد ات-تايەبتىڭ ۇسىنىسىمەن ەندى. قازىلار القاسى مۇشەلەرىنىڭ مىندەتى - ادامزات باۋىرلاستىعى قۇندىلىقتارىن ءوز ءومىرى مەن قىزمەتى ارقىلى بارىنشا ايقىن كورسەتكەن، سونداي-اق الەمدەگى ادامدار مەن قاۋىمداستىقتارعا ۇلگى بولا الاتىن تۇلعالار مەن ۇيىمداردى انىقتاۋ.

ايتا كەتەيىك، قازاقستاندا ءبىرىڭعاي قارجى ومبۋدسمەنى قىزمەتى قالىپتاستى. جاڭا ينستيتۋت جۇمىسىن 2027 -جىلعى 1-قاڭتاردان باستايدى. باس قارجى ومبۋدسمانى جانە قىزمەتىن قوسا اتقاراتىن باعالى قاعازدار نارىعىنداعى قارجى ومبۋدسمانى بولىپ ماريا جامالوۆنا حادجيەۆا سايلاندى.

قارجى نارىعىندا رەتتەۋ مەن قاداعالاۋدا كوپ جىلدىق تاجىريبەسى بار. ادىلەت مينيسترلىگىندە، ۇلتتىق بانكتە جانە قارجىلىق قاداعالاۋ ورگاندارىندا جۇمىس ىستەگەن. 2019-2025 -جىلدارى قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى قىزمەتىن اتقارعان.

اقتوبەدە مارتوك اۋدانى اكىمىنىڭ قىزمەتىنە نۇرجان ماقساتوۆ تاعايىندالدى.

ول 2014 -جىلى قازاقستان- بريتان تەحنيكالىق ۋنيۆەرسيتەتىنىڭ قارجى، 2018 -جىلى ق ر پرەزيدەنتى جانىنداعى مەملەكەتتىك باسقارۋ اكادەمياسىن مەملەكەتتىك جانە جەرگىلىكتى باسقارۋ ماماندىقتارى بويىنشا ءتامامداعان.

وسى اپتادا ق ر پرەزيدەنتى اكىمشىلىگىنىڭ جانە ىرعىز اۋداندىق ءماسليحات دەپۋتاتتارىنىڭ كەلىسىمىمەن ىرعىز اۋدانىنىڭ اكىمى لاۋازىمى قىزمەتىنە رۇستەم وتەشوۆ كىرىستى.

ول ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن الەۋمەتتىك ورتادا جانە سالالارداعى ەكونوميست مەنەدجەرى، قازاق گۋمانيتارلىق زاڭ ۋنيۆەرسيتەتىن قۇقىقتانۋ ماماندىقتارى بويىنشا ءتامامداعان.

بۇدان بولەك، اقتوبەدە ءبىرقاتار باسقارماعا جاڭا باسشىسى تاعايىندالدى.

وبلىستىق مادەنيەت، ارحيۆتەر جانە قۇجاتتاما باسقارماسىنىڭ باسشىسى قىزمەتىن مەدەت ىسقاقوۆ اتقارادى. ال وبلىستىق ەكونوميكا جانە بيۋدجەتتىك جوسپارلاۋ باسقارماسىن ادايبەك ەسەنامانوۆ باسقارادى.

مەدەت ىسقاقوۆ ەڭبەك جولىن 2000 -جىلى ق. مەدەتوۆ اتىنداعى مارتوك بالالار ونەر مەكتەبىندە دومبىرا كلاسىنىڭ ءمۇعالىمى بولىپ باستاعان. 2026 -جىلدىڭ 28-قىركۇيەگىنە دەيىن مارتوك اۋدانىنىڭ اكىمى قىزمەتىندە بولدى.

ادايبەك ەسەنامانوۆ 2013-2019 -جىلدارى اقتوبە وبلىسىنىڭ قارجى باسقارماسىندا باس مامان جانە ءبولىم باسشىسى لاۋازىمدارىندا ەڭبەك ەتتى. 2025 -جىلعى قازان ايىنان باستاپ وسى ۋاقىتقا دەيىن اقتوبە وبلىسى اكىمى اپپاراتى باسشىسىنىڭ ورىنباسارى قىزمەتىن اتقارىپ كەلدى.

سونىمەن قاتار اقتوبە وبلىستىق اۋىل شارۋاشىلىعى باسقارماسىنىڭ باسشىسى قىزمەتىنە اسىلحان ابتيەۆ، ال وبلىستىق تىلدەردى دامىتۋ باسقارماسىنا التىناي يۋنيسوۆا تاعايىندالدى.

ا. ابتيەۆ 1999 -جىلى باتىس قازاقستان اگرارلىق ۋنيۆەرسيتەتىن اگرونوميا ماماندىعى بويىنشا ءتامامداعان. 2025 -جىلعى جەلتوقساننان باستاپ جاڭا قىزمەتكە تاعايىندالعانعا دەيىن ول اۋىل شارۋاشىلىعى مينيسترلىگىنىڭ اگروونەركاسىپتىك كەشەندەگى مەملەكەتتىك ينسپەكتسيا كوميتەتى اتىراۋ وبلىستىق اۋماقتىق ينسپەكتسياسىندا بولدى.

التىناي يۋنيسوۆا ەڭبەك جولىن 1994 -جىلى اقتوبە وبلىستىق تەلەراديوكومپانياسىنىڭ ديكتورى رەتىندە باستاعان. 2017-2020 -جىلدارى اقتوبە قالالىق مادەنيەت جانە تىلدەردى دامىتۋ ءبولىمىن باسقاردى.

اقتوبە قالاسى الماتى اۋدانىنىڭ اكىمى بولىپ مۇقانبەتقالي ەسەنعاليەۆ تاعايىندالدى.

ول 1987 -جىلى دۇنيەگە كەلگەن. ءبىلىمى جوعارى، ق. جۇبانوۆ اتىنداعى اقتوبە مەملەكەتتىك ۋنيۆەرسيتەتىن «مەملەكەتتىك جانە جەرگىلىكتى باسقارۋ» ماماندىعى بويىنشا، قازاق- ورىس حالىقارالىق ۋنيۆەرسيتەتىن «قۇقىق تانۋ» ماماندىعى بويىنشا اياقتاعان.

بۇل اپتادا ايبەك قوسۋاقوۆ ماڭعىستاۋ وبلىسى اكىمى اپپاراتىنىڭ باسشىسى بولىپ تاعايىندالدى.

ول 1975 -جىلعى 15-قازاندا ماڭعىستاۋ وبلىسى ماڭعىستاۋ اۋدانىنىڭ ۇشتاعان اۋىلىندا دۇنيەگە كەلگەن. 1997 -جىلى ش. ەسەنوۆ اتىنداعى اقتاۋ ۋنيۆەرسيتەتىن «مۇناي جانە گاز ۇڭعىمالارىن بۇرعىلاۋ» ماماندىعى بويىنشا، 2013 -جىلى د. ا. قونايەۆ اتىنداعى كولىك جانە قۇقىق گۋمانيتارلىق ۋنيۆەرسيتەتىن «ەكونوميكا» ماماندىعى بويىنشا ءتامامداعان.

ەرعالي سكەنديروۆ ماڭعىستاۋ وبلىسى ماڭعىستاۋ اۋدانىنىڭ اكىمى بولىپ تاعايىندالدى.

ە. سيسەنعالي ۇلى 1983 -جىلى ماڭعىستاۋ وبلىسى ماڭعىستاۋ اۋدانىنىڭ شەتپە اۋىلىندا دۇنيەگە كەلگەن. 2006 -جىلى «تۇران- استانا» ۋنيۆەرسيتەتىن «قۇقىق تانۋ» ماماندىعى بويىنشا ءتامامداعان.

ەربول دەربىسوۆ ءتۇپقاراعان اۋدانىنىڭ اكىمى لاۋازىمىنا تاعايىندالدى.

ە. قالىم ۇلى 1986 -جىلى تۋعان، ءبىلىمى جوعارى، 2008 -جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ «زاڭگەر» باكالاۆرى ماماندىعى بويىنشا جانە 2010 -جىلى ءال-فارابي اتىنداعى قازاق ۇلتتىق ۋنيۆەرسيتەتىنىڭ «قۇقىق تانۋ» ماگيسترى ماماندىعى بويىنشا بىتىرگەن.

وسى اپتانىڭ ورتاسىندا اتىراۋ قالاسىنىڭ اكىمى بولىپ «اتىراۋ» الەۋمەتتىك كاسىپكەرلىك كورپوراتسياسىنىڭ باسشىسى دانيار تاحانوۆ تاعايىندالدى.

ول 1985 -جىلى اتىراۋ قالاسىندا دۇنيەگە كەلگەن. 2003-2007 -جىلدارى قىتاي مۇناي ۋنيۆەرسيتەتىندە ىسكەرلىك اكىمشىلەندىرۋ ماماندىعى بويىنشا باكالاۆر دارەجەسىن الدى. 2007-2009 -جىلدارى اتالعان ۋنيۆەرسيتەتتە ەكونوميكا سالاسىندا ماگيستراتۋرادا ءبىلىم الىپ، قازاقستان رەسپۋبليكاسى پرەزيدەنتىنىڭ «بولاشاق» حالىقارالىق ستيپەندياسىنىڭ يەگەرى اتاندى.

اتىراۋ وبلىسىندا جۋىردا قۇرىلعان بالالاردىڭ قۇقىقتارىن قورعاۋ باسقارماسىنا گۇلنافيس ايشۋاقوۆا باسشى بولىپ تاعايىندالدى.

گ. ايشۋاقوۆا 1984 -جىلعى 24-قاراشادا دۇنيەگە كەلگەن. 2007 -جىلى قازاق گۋمانيتارلىق- زاڭ ۋنيۆەرسيتەتىن «قۇقىق تانۋ» ماماندىعى بويىنشا ءتامامداعان.

كەمەل يمانعاليەۆ مەملەكەتتىك ەڭبەك ينسپەكتسياسى كوميتەتىنىڭ اتىراۋ وبلىسى بويىنشا دەپارتامەنتى باسشىسى - مەملەكەتتىك ەڭبەك ينسپەكتورى بولىپ تاعايىندالدى.

ول 1981 -جىلى اتىراۋ وبلىسى يندەر اۋدانىندا دۇنيەگە كەلگەن. زاڭگەر ماماندىعى بويىنشا جوعارى ءبىلىم العان.

الماتى وبلىسى اكىمىنىڭ وكىمىمەن تاڭات ايداربەكوۆ كەگەن اۋدانىنىڭ اكىمى لاۋازىمىنا تاعايىندالدى.

تاڭات ەسەنكەلدى ۇلى 1971 -جىلى تۋعان. ءبىلىمى جوعارى، 1996 -جىلى قازاق مەملەكەتتىك اگرارلىق ۋنيۆەرسيتەتىن «بۋحالتەرلىك ەسەپ، باقىلاۋ جانە اكىمشىلىك- شارۋاشىلىق قىزمەتى» ماماندىعى بويىنشا جانە 2017 -جىلى قازاقستان ينجەنەرلى- پەداگوگيكالىق حالىقتار دوستىعى ۋنيۆەرسيتەتىن «قۇقىق تانۋ» ماماندىعى بويىنشا ءتامامداعان.

ارمان ايشۋاقوۆ ەندى الماتى وبلىستىق ساۋلەت جانە قالا قۇرىلىسى باسقارماسىن باسقارادى.

ارمان ەركىن ۇلى 1991 -جىلى تۋعان. ءبىلىمى جوعارى، 2013 -جىلى حالىقارالىق ءبىلىم بەرۋ كورپوراتسياسىنىڭ «قازاق باس ساۋلەت- قۇرىلىس اكادەمياسىن» «ساۋلەت» ماماندىعى بويىنشا اياقتاپ، 2014 -جىلى اتالعان ءبىلىم ورداسىندا «ساۋلەت» ماماندىعى بويىنشا ماگيستر دارەجەسىن العان. 2023 -جىلى پرەزيدەنت جانىنداعى مەملەكەتتىك باسقارۋ اكادەمياسىن «مەملەكەتتىك جانە جەرگىلىكتى باسقارۋ» ماماندىعى بويىنشا ءتامامداعان.

الماتى وبلىسى اكىمىنىڭ وكىمىمەن ءانۋار اسكەربەكوۆ تالعار اۋدانىنىڭ اكىمى لاۋازىمىنا تاعايىندالدى.

ول 1992 -جىلى دۇنيەگە كەلگەن. 2014 -جىلى ءال-فارابي اتىنداعى قازاق ۇلتتىق ۋنيۆەرسيتەتىن «ەكونوميكا» ماماندىعى بويىنشا، 2016 -جىلى م. ح. دۋلاتي اتىنداعى تاراز مەملەكەتتىك ۋنيۆەرسيتەتىن «قۇقىق تانۋ» ماماندىعى بويىنشا اياقتاپ، 2020 -جىلى قازاق ۇلتتىق اگرارلىق ۋنيۆەرسيتەتىندە ماگيستر دارەجەسىن العان.

باقىتجان ابدىرەيىمجان ۇلى جۇنىسبەكوۆ استانا قالاسىنىڭ ىشكى ساياسات باسقارماسىنىڭ باسشىسى بولىپ تاعايىندالدى.

وسىعان دەيىن ول استانانىڭ ەسىل اۋدانى اكىمى اپپاراتىنىڭ باسشىسى قىزمەتىن اتقارعان. باقىتجان جۇنىسبەكوۆ - ءبىلىمى بويىنشا ساياساتتانۋشى. اباي اتىنداعى قازاق ۇلتتىق پەداگوگيكالىق ۋنيۆەرسيتەتىن ءتامامداعان. ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە ساياساتتانۋ ماگيسترى دارەجەسىن العان.

جەتىسۋ وبلىسى اكىمىنىڭ وكىمىمەن ازامات بەيسبايەۆ وبلىستىق ەنەرگەتيكا جانە تۇرعىن ءۇي- كوممۋنالدىق شارۋاشىلىق باسقارماسىنىڭ باسشىسى بولىپ تاعايىندالدى.

ازامات قانايبەك ۇلى 1986 -جىلى تۋعان. ءبىلىمى جوعارى. اباي اتىنداعى قازاق ۇلتتىق پەداگوگيكالىق ۋنيۆەرسيتەتىن، م. ح. دۋلاتي اتىنداعى تاراز مەملەكەتتىك ۋنيۆەرسيتەتىن جانە د. سەرىكبايەۆ اتىنداعى شىعىس قازاقستان تەحنيكالىق ۋنيۆەرسيتەتىن قۇقىقتانۋ، سۋ رەسۋرستارى جانە سۋدى پايدالانۋ، قۇرىلىس ماماندىقتارى بويىنشا بىتىرگەن.

تالعات احمەتوۆ 29-قىركۇيەكتەن باستاپ الماتى قالاسى قوعامدىق كەڭىستىكتەردى دامىتۋ باسقارماسىنىڭ باسشىسى بولىپ تاعايىندالدى.

ول 1990 -جىلى 16-شىلدەدە شىعىس قازاقستان وبلىسىندا دۇنيەگە كەلگەن. د. سەرىكبايەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىن جانە قازاقستان- امەريكاندىق ەركىن ۋنيۆەرسيتەتىن ءتامامداعان. اسپاپ جاساۋ، ەكونوميكا، قۇقىقتانۋ جانە قۇرىلىس سالالارى بويىنشا ءبىلىمى بار.

الماتى قالاسى جۇمىلدىرۋ دايىندىعى، اۋماقتىق جانە ازاماتتىق قورعانىس باسقارماسىنىڭ باسشىسى قىزمەتىنە ايدوس نۇرلىبايەۆ تاعايىندالدى.

ول 1973 -جىلى 28-تامىزدا الماتى وبلىسىندا دۇنيەگە كەلگەن. قازاق ۇلتتىق تەحنيكالىق ۋنيۆەرسيتەتىن، «تۇران» ۋنيۆەرسيتەتىن جانە قازاق ۇلتتىق اگرارلىق زەرتتەۋ ۋنيۆەرسيتەتىن ءتامامداعان. ماماندىعى بويىنشا ينجەنەر- مەتاللۋرگ، زاڭگەر، سونداي-اق ىسكەرلىك اكىمشىلەندىرۋ سالاسى بويىنشا دارەجەسى بار.

29-قىركۇيەكتەن باستاپ الماتى قالاسى كاسىپكەرلىك جانە ينۆەستيتسيالار باسقارماسىنىڭ باسشىسى قىزمەتىنە بۇعان دەيىن الماتى قالاسى اۋەزوۆ اۋدانى اكىمىنىڭ ورىنباسارى بولعان بەرىك سولتانبايەۆ تاعايىندالدى.

ب. سولتانبايەۆ 1990 -جىلى 28-ساۋىردە الماتى وبلىسىندا دۇنيەگە كەلگەن. «پاراسات» قازاقستان كوپسالالى ينستيتۋتىن، حالىقارالىق ءبىلىم بەرۋ كورپوراتسياسىن، قازاق ۇلتتىق اگرارلىق ۋنيۆەرسيتەتىن جانە نارحوز ۋنيۆەرسيتەتىن ءتامامداعان. قۇرىلىس، تەحنيكا جانە تەحنولوگيالار، قۇقىق جانە ىسكەرلىك اكىمشىلەندىرۋ سالالارى بويىنشا ءبىلىمى بار.

شىعىس قازاقستان وبلىسى اكىمىنىڭ وكىمىمەن راۋان جامپەيسوۆ شىعىس قازاقستان وبلىسىنىڭ ىشكى ساياسات باسقارماسىنىڭ باسشىسى لاۋازىمىنا تاعايىندالدى.

راۋان اسىلحان ۇلى 1983 -جىلى شىعىس قازاقستان وبلىسىنىڭ كۇرشىم اۋدانىندا دۇنيەگە كەلگەن. ەڭبەك جولىن 2006 -جىلى باستاعان. ءار جىلدارى گلۋبوكوە اۋدانىندا ءتۇرلى لاۋازىمداردا ەڭبەك ەتتى.

اپتا سوڭىندا تۇركىستان وبلىستىق قوعامدىق دامۋ باسقارماسىنىڭ باسشىسى بولىپ جانار بەكتايەۆا تاعايىندالدى.

جانار الىبەك قىزى 1982 -جىلى جامبىل وبلىسىنىڭ قاراتاۋ قالاسىندا دۇنيەگە كەلگەن. ءبىلىمى جوعارى. 2006 -جىلى ق. ا. ياساۋي اتىنداعى حالىقارالىق قازاق- تۇرىك ۋنيۆەرسيتەتىن «ساياسات تانۋ» ماماندىعى بويىنشا بىتىرگەن. ساياسات تانۋ ماماندىعى بويىنشا ماگيستر دارەجەسى بار. 2017 -جىلى الماتى ەكونوميكا جانە ستاتيستيكا اكادەمياسىن «ەكونوميكا» ماماندىعى بويىنشا ءتامامداعان.

«قازاقستان رەسپۋبليكاسىنىڭ ۇلتتىق يادرولىق ورتالىعى» ر م ك باس ديرەكتورى بولىپ عۇمار ەكپىن ۇلى سەرعازين تاعايىندالدى.

عۇمار سەرعازيننىڭ اتوم سالاسىندا مەملەكەتتىك باسقارۋ سالاسىندا كوپ جىلدىق تاجىريبەسى بار. ءار جىلدارى ول ق ر ەنەرگەتيكا مينيسترلىگىنىڭ اتوم جانە ەنەرگەتيكالىق قاداعالاۋ جانە باقىلاۋ كوميتەتىندە باسشىلىق قىزمەتتەر اتقاردى، 2017-2023 -جىلدارى كوميتەت ءتوراعاسىنىڭ ورىنباسارى بولدى. 2023 -جىلدان باستاپ ق ر ەنەرگەتيكا مينيسترلىگىنىڭ اتوم ەنەرگەتيكاسى جانە ونەركاسىبى دەپارتامەنتىن باسقاردى، كەيىننەن ق ر اتوم ەنەرگياسى جونىندەگى اگەنتتىگى ءتوراعاسىنىڭ ورىنباسارى بولىپ تاعايىندالدى.