قاعىتپا ازىلدەر

ШҚО-дағы 191 ауылда әлі интернет жоқ
Фото: видеодан алынған кадр

رەزەڭكە قولعابىن كيىپ، وپەراسياعا دايىندالىپ جاتقان حيرۋرگتەن:

- ءسىز نەگە رەزەڭكە قولعاپ كيىپ العانسىز؟ - دەپ سۇرادى پاسيەنت.

- ساۋساعىمنىڭ ءىزىن قالدىرماۋىم كەرەك!

***

- بۇگىنگىنىڭ ايەلدەرى جىلامايدى عوي مۇلدە!

- قالاي جىلايدى؟! جىلاسا، كوزىنە جاققان سۇرمەسى اعىپ، بەتىنىڭ ءبارىن باتتاستىرادى ەمەس پە؟!

***

پارا مەن اقشا

- سەرگەي ، ءسىز ومىرىڭىزدە پارا بەرىپ كوردىڭىز بە؟

- مەن ەشۋاقىتتا پارا بەرمەيمىن. مەن اقشا بەرەمىن.

- ءبارىبىر ەمەس پە؟!

- ءبارىبىر ەمەس. پارا بەرگەندەر ۇستالىپ قالسا سوتتالادى. سولاي عوي؟

- سولايى سولاي عوي. ءبىراق... اقشا بەرگەندەر دە امان قالىپ جاتقان جوق قوي...

- ماسەلەن، سەن بۇگىن تاڭەرتەڭ ماعان نە بەردىڭ؟

- ەندى...ەندى...

- اقشا بەردىڭ. ءبىلىپ قوي، پارا ەمەس، اقشا بەردىڭ. پارا بەرسەڭ، سەن دە، مەن دە قىلمىسكەر بولىپ شىعا كەلەر ەدىك. سوندىقتان سەن ماعان اقشا بەردىڭ، مەن سەنەن اقشا الدىم.

- جارايدى... ءبىراق مەن سىزگە نە ءۇشىن بەردىم سول اقشانى؟

- «نە ءۇشىن، دەپ ەشۋاقىتتا سۇراما. بۇلاي سۇراساڭ، وندا سەنىڭ اقشاڭ دا پاراعا اينالىپ كەتەدى. ءسويتىپ، سەن دە، مەن دە قىلمىسكەر بولىپ شىعا كەلەمىز.

- سوندا...بۇل جونىندە... تاڭەرتەڭ بەرگەن اقشا جونىندە مۇلدە سۇراما دەيسىز عوي؟

- ءيا، مۇلدە سۇراما! اسىرەسە، اقشا جونىندە سۇراما! سۇرادىڭ-اق، ول اقشا پاراعا اينالادى دا كەتەدى. ءسويتىپ، سەن دە، مەن دە قىلمىسكەر بولىپ شىعا كەلەمىز...

- ؟؟..

اسكەري دايىندىق

ءبىزدىڭ اسكەرلەرىمىز قانداي قارسىلاسپەن دە كەزدەسۋگە ءازىر، ويتكەنى ولار قانداي كەزدە دە، مەيلى بوران بولسىن، مەيلى داۋىل تۇرسىن، وزدەرىمەن بىرگە ۇدايى ءبىر جاشىك اراق الا جۇرەدى.

ايەلدەرىنە حابارلاماۋدى ءوتىندى

تەلەجاڭالىق: كەشە ماسكەۋدىڭ ىرگەسىندەگى ورماننان بىلتىر جوعالىپ كەتكەن ەكى اڭشى تابىلدى. بۇل جونىندە ەكى اڭشى دا ايەلدەرىنە حابارلاماۋدى ءوتىندى.

**

ءبىر بالا تاريح ساباعىنىڭ ەمتيحانىنان 2 دەگەن باعا الىپ شىعىپتى، سوندا قاسىنداعى دوسى وعان ۇرىسىپ جاتىر ەكەن:

- ەي، اقىماق نە دەگەن ميسىزسىڭ؟

- نە بولدى؟

- ابىلاي حاننىڭ تۋعان جىلىمەن ولگەن جىلىن بىلمەدىڭ با اقىماق؟ پورترەتىنىڭ استىنا جازىپ قويعان عوي قاشان تۋىلعانىن، قاشان ولگەنىن ا؟-، دەسە قاسىنداعى جولداسى تاڭدانىپ تۋرىپ:

- مەن بىلمەدىم، مەن ول پورترەتتىڭ استىنداعى سانداردى ابىلايحاننىڭ تەلەفون نومەرى شىعار دەپ ويلادىم!!، دەپتى.

**

ەكى جىگىتتىڭ اڭگىمەسىنەن:

- اراقتىڭ زياندى قاسيەتتەرى تۋرالى كىتاپ وقىدىم، قوياتىن شىعارمىن...

- اراقتى ما؟

- جوق، كىتاپ وقۋدى.

**

ءبىر شەتەلدىڭ قىلمىسكەردەن جەرگىلىكتى تەرگەۋشىلەر جاۋاپ الىپ وتىر:

- التىندى قايدا تىقتىڭ؟

اۋدارماشى:

- التىندى قايدا تىقتىڭ؟

قىلمىسكەر:

- ايتپايمىن!

اۋدارماشى:

- ول ايتپايدى!

تەرگەۋشى:

- ەگەر التىندى قاي جەردە ەكەنىن ايتپاساڭ، ءبىز سەنى ولتىرەمىز!

اۋدارماشى:

- التىننىڭ قاي جەردە ەكەنىن ايتپاساڭ، ولار سەنى ولتىرەدى!

قىلمىسكەر:

- التىندى ءۇيدىڭ الدىنا، تابالدىرىقتىڭ استىنا كومگەنمىن.

اۋدارماشى:

- اتىڭدار، وڭباعاندار، ءبارىبىر ايتپايمىن!!!

سوڭعى جاڭالىقتار