نەگىزگى ۇ ب ت باستالعالى ورتاشا بال – 64، ەڭ جوعارعى - 136 بولدى

استانا. KAZINFORM - نەگىزگى ۇ ب ت باستالعاننان بەرى 30 مىڭنان استام ادام تەست تاپسىردى. ونىڭ ىشىندە تالاپكەرلەردىڭ %69 - قازاق تىلىندە، %31 - ورىس تىلىندە، 40 ادام - اعىلشىن تىلىندە تەستىلەۋدەن ءوتتى. ۇ ب ت باستالعالى شەكتى بالدى %71 تالاپكەر جينادى.

ورتاشا بال - 64. ەڭ جوعارى بال - 136.

16-مامىردا باستالعان 2024-جىلعى نەگىزگى ۇ ب ت- نىڭ ءبىرىنشى اپتاسى اياقتالدى.

ەستەرىڭىزگە سالا كەتسەك، تەستىلەۋگە قاتىسۋعا 186 مىڭ تالاپكەردەن 342 مىڭعا جۋىق ءوتىنىش كەلىپ ءتۇستى.

قازىرگى تاڭدا تەستكە قاتىسۋشىلاردىڭ باسىم بولىگى، اتاپ ايتقاندا، %20 «شىعارماشىلىق ەمتيحان»، %18 «ماتەماتيكا-فيزيكا» پاندەر كومبيناتسياسىن تاپسىردى.

%11 «ماتەماتيكا-ينفورماتيكا» كومبيناتسياسىن تاڭداعان.

ەڭ از تاڭدالعان كومبيناتسيا - «حيميا-فيزيكا»، ونى 45 ادام تاپسىرعان.

ەرەكشە ءبىلىم بەرۋ قاجەتتىلىگى بار وقۋعا تۇسۋشىلەر ءۇشىن قولايلى جاعداي جاساۋدىڭ ارقاسىندا ۇ ب ت- عا ءبىرىنشى اپتادا 102 تالاپكەر قاتىسقانىن ايتا كەتكەن ءجون.

تالاپكەرلەر تەستىلەۋ اياقتالعاننان كەيىن 30 مينۋت ىشىندە اپەللياتسياعا بەرە الادى.

سەرتيفيكات اپەللياتسيا تۋرالى شەشىم قابىلدانعاننان كەيىن تەستىلەنۋشىنىڭ جەكە كابينەتىندە قولجەتىمدى بولادى.

بۇگىنگى تاڭدا 41 ەرەجە بۇزۋشىلىق انىقتالدى.

ونىڭ ىشىندە 32 تالاپكەر سمارتفون، شپارگالكا جانە باسقا دا تىيىم سالىنعان زاتتاردى الىپ ءوتۋ ارەكەتى سالدارىنان تەست تاپسىرۋ مۇمكىندىگىنەن ايىرىلدى.

تەستىلەۋ كەزىندە ەرەجە بۇزعانى ءۇشىن اۋديتوريادان 9 ادام شىعارىلىپ، ناتيجەسى جويىلدى. وزگە تۇلعالار انىقتالعان جوق.

ايتا كەتسەك، 2024-جىلعى ۇ ب ت اياقتالعاننان كەيىن كۇنتىزبەلىك جىلدىڭ 31-قازانىنا دەيىن تەستىلەۋدىڭ بەينەجازباسىنا تالداۋ جۇرگىزىلەدى.

تىيىم سالىنعان زاتتاردى پايدالانۋ نەمەسە ەرەجەلەردى بۇزۋ فاكتىلەرى انىقتالعان جاعدايدا ءتۇسۋشىنىڭ ۇ ب ت ناتيجەسى جويىلادى.