نيۋتوننىڭ باسىنا الما قۇلاعان. ءسىز بۇل سوزدەرگە ءالى سەنەسىز بە؟

استانا. قازاقپارات - نيۋتوننىڭ باسىنا الما قۇلاعاننان كەيىن ول جەردىڭ تارتىلىس كۇشى ءىلىمىن ويلاپ تاۋىپتى دەگەن اڭگىمە ءالى كۇنگە ەسىمىزدە. ءبىراق، نيۋتون تانۋشىلار ونىڭ بارلىق قولجازبالارىن اقتارىپ شىقسا دا، بۇل تۋرالى ءبىر اۋىز ءسوز دە تاپپاعان.

بالا كۇنىمىزدە مۇعالىم بىزگە ايدا تۇرعان ادام جەر بەتىندەگى ۇلكەن وزەن، بيىك قورعان، ۇلى قالالاردى كورە الادى دەگەندى ءجيى ايتادى.

شىندىعىنا كەلگەندە مۇنداي دۇنيەلەردى اي بەتىنەن كورۋدىڭ اسەر - جەر بەتىندە تۇرىپ ەلۋ مەتر جەردەن ءبىر تال شاشتى كورۋدىڭ اسەرىمەن بىردەي ەكەن.

ەينشتەيننىڭ ءومىرى تۋرالى، ونىڭ بالالىق ءداۋىرى جايلى اڭگىمەلەر ءبىزدىڭ بالا كۇنىمىزدە دە كوپ تارالدى. سول اڭگىمەلەردىڭ كوبىندە ەينشتەين اينالاسىنداعى بالالارمەن بارىس-كەلىس جاسامايتىن، ولاق، وزگەشە بالا ەكەندىگى جايلى ايتىلادى. ال، شىن ومىردەگى بالا ەينشتەين مۇلدە ولاي بولماعان. ول ونشا ولاق ەمەس، دوستارى دا كوپ بولعان. تەك كەيبىر پاندەردى ۇناتا قويمايتىن سىڭايلى.

دجەيمس ۋاتت بۋ ماشيناسىن تاپقىرلادى. ونىڭ ءومىرى جايلى دا بالالارعا قىزىقتى اڭگىمەلەر كوپ ايتىلادى. وسى اڭگىمەلەردىڭ بىرىندە ول قايناعان سۋداعى بۋدىڭ شاۋگىم قاقپاعىن قوزعالتۋىنان شابىت الىپ، بۋ ماشيناسىن جاساعانى ايتىلادى. شىن ومىردە بۋ ماشيناسى 1679 -جىلى تاپقىرلانىپ قويعان. ال، دجەيمس ۋاتت 1736 - جىلى ومىرگە كەلىپ، 1769 - جىلى بۋ ماشيناسىن وندىرىسكە بەيىمدەپ جاساعان.

«تابىس 99 پايىز ەڭبەك پەن 1 پايىز تالانتتىڭ ارقاسىندا كەلەدى» دەگەن ءبىر اۋىز ءسوزدى ءبارىمىز بىلەمىز، وسى ءبىر سويلەمنەن كەيىن «ءبىراق، % 1 تالانت بولماسا 99 پايىز ەڭبەگىڭىز ەش كەتەدى، وسى 1 سانى 99 دان الدە-قايدا ماڭىزدى» دەپ جالعاسا بەرەتىنىن كوپ ادام بىلمەيدى.

الەمدىك ساياساتتان حاباردار ادامدار ا ق ش پەن قىتاي مەملەكەتتەرىن ءيت مەن مىسىقتاي ءبىر-بىرىنە قارسى دەپ ويلايدى. ءبىراق، قىتايدىڭ تۇڭعىش اۋە اسكەري ايلاعىن امەريكا قۇرىپ بەرگەن. وسى اۋە تاسىمالى ارقىلى 1959-جىلدان 1962 - جىلدار ارالىعىنداعى قىتاي اشارشىلىعى كەزىندە ا ق ش ۇكىمەتى مول استىق بەرگەن. ءبىراق، قىتاي ودان باس تارتىپتى.

قازىر بۇكىل الەم بىرتىندەپ دامۋ تەورياسىنان باس تارتۋدا. ءتىپتى، دارۆيننىڭ ءوزى كوز جۇمار الدىندا دارۆينيزمدى عىلىمعا اكەلگەنىنە وكىنىپ، تاڭىرىنەن كەشىرىم سۇراپ جالبارىنىپتى.

massaget.kz