ەۆگەني گلوتوۆ استانا اكىمىنىڭ ورىنباسارى بولىپ تاعايىندالدى

евгений глотов
Фото: Фото: Астана әкімдігінің ресми сайты

 ق ر پرەزيدەنتى اكىمشىلىگىنىڭ ەكس-مەملەكەتتىك ينسپەكتورى ەۆگەني گلوتوۆ استانا اكىمىنىڭ ورىنباسارى بولىپ تاعايىندالدى، دەپ حابارلايدى Kazinform. 

ەلوردا اكىمدىگىنىڭ رەسمي سايتىندا ءمالىم ەتىلگەندەي، ەۆگەني گلوتوۆ ەڭبەك جولىن «قازاقستان جاستارى كونگرەسى» زاڭدى تۇلعالار بىرلەستىگىندە باستادى. ءار جىلدارى «اۋىل جاستارى وداعى» قوعامدىق بىرلەستىگىندە، «GP group» ج ش س جانە تاعى دا باسقا مەكەمەلەردە جۇمىس ىستەدى.

2015 -جىلى سولتۇستىك قازاقستان وبلىسى اكىمىنىڭ باس ينسپەكتورى قىزمەتىنە تاعايىندالدى. وسى جىلدىڭ قازان ايىنان 2016 -جىلدىڭ قازان ايىنا دەيىن سولتۇستىك قازاقستان وبلىسى اكىمدىگىنىڭ كاسىپكەرلىك جانە تۋريزم باسقارماسىنىڭ باسشىسى بولدى.

2016 -جىلعى قاراشادان 2019 -جىلعى ساۋىرگە دەيىن سولتۇستىك قازاقستان وبلىسى پەتروپاۆل قالاسى اكىمىنىڭ ورىنباسارى لاۋازىمىندا ەڭبەك ەتتى.

سوڭعى جىلدارى ق ر پرەزيدەنتى اكىمشىلىگىنىڭ ىشكى ساياسات ءبولىمى مەڭگەرۋشىسىنىڭ ورىنباسارى، ق ر پرەزيدەنتى اكىمشىلىگىنىڭ مەملەكەتتىك ينسپەكتورى قىزمەتتەرىن اتقاردى.

ءمالىم بولعانداي، استانا اكىمىنىڭ ورىنباسارى بولعان ەرلان بەكمۇرزايەۆ باسقا جۇمىسقا اۋىسۋىنا بايلانىستى قىزمەتىنەن بوساتىلدى.

سوڭعى جاڭالىقتار