نەتانياحۋعا قاستاندىق ۇيىمداستىرىلدى

استانا. KAZINFORM - يزرايلدە پرەمەر-مينيستر بينيامين نەتانياحۋ، قورعانىس ءمينيسترى يواۆ گاللانت جانە باس قاۋىپسىزدىك باسقارماسىنىڭ (شين بەت) ديرەكتورى رونەن باراعا قارسى قاستاندىق جوسپارعا توسقاۋىل قويىلدى.

جوعارى لاۋازىمدى شەنەۋنىكتى ءولتىرۋدى يران جوسپارلاعان دەپ حابارلايدى Jerusalem Post.

حابارلاماعا سايكەس، يراننىڭ وپەراتسياسىنا تۇركيادا تۇراتىن يزرايلدىك كاسىپكەردى پايدالۋ جوسپارلانعانى ايتىلادى.

ءساۋىر ايىندا تۇرىك ازاماتتارى اندرەي اسلان مەن گۇنەيد اسلان قارجى وپەراتسيالارىن جۇرگىزۋ ءۇشىن يزرايلدىك كاسىپكەرمەن بايلانىسقا شىققان. ولار ونى تۇركيانىڭ سامانداگ قالاسىنا يراننىڭ ەكى وكىلىمەن كەزدەسۋگە شاقىرعان. كەزدەسۋ مامىر ايىندا وتكەن. يزرايلدىك كاسىپكەر باستاپقىدا ءبىر ميلليون دوللار تالاپ ەتكەن.

كەيىنىرەك يزرايلدىك كاسىپكەر موسساد اگەنتىن «قوس اگەنتكە» اينالدىرۋدى قوسا العاندا، جوسپاردى جۇزەگە اسىرۋ، جۇمسالاتىن قارجى، لوگيستيكا جانە قارۋ-جاراق ءۇشىن 5000 ەۋرو العان. سونداي-اق كاسىپكەردەن يراننىڭ نۇسقاۋلارىنا سايكەس كەلمەيتىن ميسسيالاردى ورىنداۋدان باس تارتقان يزرايل ازاماتتارىن قورقىتۋدى سۇرادى، دەلىنگەن حابارلامادا.

بۇل ارەكەتتى يزرايلدىك كاسىپكەردىڭ جاساعانى نەمەسە جاساماعانى ءالى بەلگىسىز. وعان بۇل ايىپ 19 -قىركۇيەكتە تاعىلعان.

اۆتور

جاراسقان نۇرىبايەۆ