نەتانياحۋ يزرايلدىڭ قورعانىس ءمينيسترىن قىزمەتىنەن بوساتتى
استانا. قازاقپارات - يزرايل پرەمەر-ءمينيسترى بەنيامين نەتانياحۋ قورعانىس ءمينيسترى يواۆ گالانتتى قىزمەتىنەن الىپ تاستادى.
يزرايل تايمس گازەتىنىڭ مالىمەتى بويىنشا كەلىسپەۋشىلىك گالانتتىڭ حاماس قوزعالىسىنا قارسى سوعىس جۇرگىزۋ ادىسىنەن تۋىنداعان. ول مينيسترلەر كابينەتىنىڭ ۇستانىمىنا قايشى كەلەتىن شەشىم قابىلداپ، مالىمدەمە جاساعان.
نەتانياحۋ قورعانىس ءمينيسترى قىزمەتىنە ەلدىڭ سىرتقى ىستەر ءمينيسترى يسراەل كاتستى تاعايىندادى. يواۆ گالانت 2022 -جىلدىڭ سوڭىندا يزرايل قورعانىس ءمينيسترى قىزمەتىنە كەلگەن. وتكەن جىلدىڭ قازان ايىنان بەرى حاماس قوزعالىسىنا قارسى يزرايل اسكەري قيمىلدارىنا جەتەكشىلىك ەتتى.
بەنيامين نەتانياحۋ، يزرايل پرەمەر-ءمينيسترى:
- سوعىس قىزعان شاقتا پرەمەر-مينيستر مەن قورعانىس ءمينيسترى اراسىندا ءوزارا تۇسىنىستك پەن تولىق سەنىم ورناۋى قاجەت. وكىنىشكە وراي، كەيىنگى بىرنەشە ايدا سەنىمگە سەلكەۋ ءتۇستى. اسكەري وپەراتسيالاردى باسقارۋدا گالانت بىرنەشە رەت قاتەلىك جىبەردى. سوندىقتان ونى قىزمەتىنەن بوساتتىم.
24.kz
