نۇرلان نىعماتۋليننىڭ تۋعان اعاسىنا ىزدەۋ جاريالاندى
استانا. KAZINFORM - ەلىمىزدىڭ پروكۋراتۋرا ورگاندارى بۇرىنعى ءماجىلىس سپيكەرى نۇرلان نىعماتۋليننىڭ اعاسى ارعىن نىعماتۋلينگە ىزدەۋ جاريالادى.
قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا جاريالانعان مالىمەتكە قاراعاندا، پروكۋراتۋرا ورگاندارىنىڭ باستاما جاساۋىمەن سىبايلاس جەمقورلىققا قارسى ءىس-قيمىل اگەنتتىگى 1955 -جىلى 28-ماۋسىمدا دۇنيەگە كەلگەن نىعماتۋلين ارعىن زايروللا ۇلىنا ىزدەستىرۋ جۇمىستارىن جۇرگىزەدى.
عالامتورداعى مالىمەتتەرگە قاراعاندا تەحنيكا عىلىمدارىنىڭ كانديداتى ارعىن زايروللا ۇلىنىڭ 20-دان استام عىلىمي جۇمىسى، ونەرتابىسقا ارنالعان 3 اۆتورلىق كۋالىگى بار. بىرنەشە وردەنمەن جانە مەدالمەن ماراپاتتالعان. قاراعاندى وبلىستىق ءماسليحاتىنىڭ دەپۋتاتى بولعان.
بۇعان دەيىن اقتاۋ اكىمىنىڭ بۇرىنعى ورىنباسارىنا ىزدەۋ جاريالانعانىن حابارلاعان ەدىك.
اۆتور
مارلان جيەمباي
