نەمىس عالىمدارى وزەن اعىسىنان ەنەرگيا وندىرەتىن قۇرىلعى ويلاپ تاپتى

استانا. قازاقپارات - المانيا عالىمدارى سۋدان قۋات الاتىن قۇرىلعىنى كەڭىنەن قولدانباق. «ەنەردجي فيش» ياعني «تەمىر بالىق» دەپ اتالاتىن قۇرىلعى ەلەكتر قۋاتىن وزەن اعىسىنىڭ جىلدامدىعىنان وندىرەدى.

ونى تەرەڭدىگى ءبىر مەتردەن اساتىن كەز كەلگەن اعىندى سۋعا زاكىر ارقىلى ورناتۋعا بولادى. سالماعى 100 كەلى بولاتىن ءبىر قۇرىلعى 5 شاڭىراقتى توكپەن قامتاماسىز ەتەدى. ال قۇرىلعىنى ورناتۋعا نەبارى ءبىر اپتا عانا ۋاقىت قاجەت.

گەورگ ۆالدەر، ونەرتاپقىش:

- بۇل قۇرىلعى وزەندەر مەن كانالدارعا ارنالىپ جاسالدى. اۆتونومدى تۇردە جۇمىس ىستەيدى. ونىڭ باستى ارتىقشىلىعى شالعايداعى ەلدى مەكەندەرگە قاجەتتى ەنەرگيانى سول ءوڭىردىڭ قاسىندا وندىرە بەرەدى. بۇل ەنەرگەتيكا سالاسىنا زور ىقپال ەتەدى دەپ ويلايمىن. سەبەبى قۋاتتى الىپ سۋ قويمالارىن سالماي الۋعا مۇمكىندىك بەرەدى.

يۋرگەن گايست، سۋ استى بيولوگياسىنىڭ پروفەسسورى:

- قازىر وسى تەمىر بالىقتىڭ تۋربينالارى ءتىرى بالىقتارعا قالاي اسەر ەتەتىنىن زەرتتەپ جاتىرمىز. سۋ استى جۇيەسىنە بوگدە زات بولعان سوڭ، ونداعى تىرشىلىككە زيان كەلتىرمەۋىن ەسكەرۋىمىز كەرەك قوي.

24.kz