نازىم قىزايبايدىڭ ەسىگىنىڭ الدىنا اسفالت توسەلىپ جاتقانى راس پا

الماتى. KAZINFORM - نازىم قىزايبايدىڭ ءۇيىنىڭ الدىنداعى بورديۋرلەر اۋىستىرىلىپ، اسفالت توسەلىپ جاتىر دەگەن اقپارات تارادى. الماتى وبلىسى اكىمدىگى ونىڭ شىندىققا جاناسپايتىنىن مالىمدەدى.

الەۋمەتتىك جەلىلەردە بوكستان ق ر ەڭبەك سىڭىرگەن سپورت شەبەرى نازىم قىزايباي تۇراتىن قاراساي اۋدانى ىرگەلى اۋىلىنىڭ كوشەلەرى جاڭارتىلىپ جاتىر دەگەن بەينەروليك تارادى.

وسىعان بايلانىستى الماتى وبلىسى اكىمدىگى تۇسىنىك بەردى.

«اقپارات جالعان جانە شىندىققا جاناسپايدى. تۇرعىنداردى تەك رەسمي اقپارات كوزدەرىنە سەنۋگە شاقىرامىز»، - دەپ حابارلادى اكىمدىكتەن.

ەسكە سالايىق، 50 كەلى سالماقتا وتانداسىمىز جارتىلاي فينالدا قىتايلىق ۆۋ يۋمەن قولعاپ ءتۇيىستىرىپ، تورەشىلەر شەشىمىمەن ۇتىلدى.

دەگەنمەن وليمپيادا ويىندارىنىڭ قولا جۇلدەسىن قانجىعاسىنا بايلادى.

نازىمنىڭ بۇل جۇلدەسى - ەل قورجىنىنا تۇسكەن ءۇشىنشى قولا مەدال.

اۆتور

الما مۇقانوۆا