ناتو ەلدەرى قورعانىس شىعىندارىن ج ءى ءو- ءنىڭ 5 پايىزىنا دەيىن ۇلعايتۋعا كەلىستى

استانا. KAZINFORM - وسى اپتادا ناتو وداقتاستارى ج ءى ءو- ءنىڭ شامامەن %3,5- ىن تىكەلەي قورعانىسقا جانە تاعى %1,5 ىن وسىعان بايلانىستى ينۆەستيتسيالارعا جۇمساۋعا مىندەتتەنەدى، دەپ حابارلايدى Euronews.

ناتو- داعى وداقتاستار قورعانىس شىعىندارىن 2035 -جىلعا قاراي ىشكى جالپى ءونىمنىڭ 5 پايىزىنا دەيىن ۇلعايتۋعا كەلىستى.

اليانستىڭ بارلىق 32 مۇشەسىنىڭ وكىلدەرى گااگاداعى سامميت قارساڭىندا جاڭا مىندەتتەمەگە قول قويدى. قۇجات 25- ماۋسىمدا رەسمي تۇردە قابىلدانادى دەپ جوسپارلانعان.

وداقتاستار ج ءى ءو- ءنىڭ 3,5 پايىزىن تىكەلەي قورعانىسقا، تاعى 1,5 پايىزىن قورعانىسقا بايلانىستى ينۆەستيتسيالارعا، سونىڭ ىشىندە كيبەرقاۋىپسىزدىك پەن اسكەري شىعىندارعا جۇمساماقشى.

ا ق ش پرەزيدەنتى دونالد ترامپ ناتو ەلدەرى ىشكى جالپى ءونىمنىڭ 5 پايىزىن قورعانىسقا جۇمسايتىنىن كوپتەن بەرى ايتىپ كەلەدى. الايدا وتكەن اپتادا ول ا ق ش- تان مۇنداي ماقساتقا جەتۋدى تالاپ ەتپەۋ كەرەكتىگىن ايتتى. قازىرگى ۋاقىتتا ا ق ش قورعانىس سالاسىنا ىشكى جالپى ءونىمنىڭ 3,2-3,4 پايىزىن جۇمسايدى.

اليانس يسپانياداعى جاعدايدى ەسكەرە وتىرىپ، ەرەجەدەن ەرەكشەلىك جاسايدى دەپ حابارلايدى. وتكەن ايدا يسپانيا پرەمەر-ءمينيسترى پەدرو سانچەس ناتو- نىڭ باس حاتشىسى مارك ريۋتتەگە حات جولداپ، مادريد قورعانىسقا ىشكى جالپى ءونىمنىڭ 5 پايىزىن جۇمساي المايتىنىن ايتتى.

ناتو سامميتى قارساڭىندا گااگادا نارازىلىق اكسياسى ءوتتى. وعان بەس مىڭعا جۋىق دەمونسترانتتار - سولشىل بەلسەندىلەر، پاتسيفيستەر جانە يران دياسپوراسىنىڭ وكىلدەرى قاتىستى. ولار گازاداعى سوعىسقا قارسى شىعىپ، يزرايل مەن ا ق ش-تىڭ يرانعا قارسى ارەكەتتەرىن ايىپتادى. شەرۋشىلەر «سوعىسقا جول جوق!» ۇرانىمەن ۇراندى.

- ءبىز سوعىسقا قارسىمىز. ادامدار بەيبىت ءومىر سۇرگىسى كەلەدى. قورشاعان ورتانىڭ جاعدايىنا قاراڭىزشى. ءبارى ءبىتتى. سوندا ءبىز سوعىسقا نە ءۇشىن اقشا جۇمسايمىز، - دەيدى گوللانديادا تۇراتىن يراندىق 74 جاستاعى حوسسەين حاماداني.

قازىرگى ۋاقىتتا ناتو ەلدەرىنىڭ كوپشىلىگى قورعانىسقا ىشكى جالپى ءونىمنىڭ 2 پايىزدان استامىن جۇمسايدى.

گااگاداعى ناتو سامميتى كۇشەيتىلگەن قاۋىپسىزدىك جاعدايىندا وتەدى. ءتارتىپتى قامتاماسىز ەتۋگە مىڭداعان سارباز بەن پوليتسيا قىزمەتكەرلەرى، سونداي-اق كيبەرقاۋىپسىزدىك ماماندارى جۇمىلدىرىلعان (كود اتاۋى «Orange Shield» وپەراتسياسى) .

بۇعان دەيىن وڭتۇستىك كورەيا پرەزيدەنتى ناتو سامميتىنە قاتىسۋدان باس تارتقانى حابارلانعان بولاتىن.

اۆتور

ەركەجان سماعۇلوۆا