مىسىر پرەزيدەنتى گازا سەكتورىنداعى بەيبىت تۇرعىنداردى يزرايلدەگى شولگە كوشىرۋدى ۇسىندى

Миср президенти Ғазо секторидан тинч аҳолини Исроилдаги чўлларга кўчиришни таклиф қилди
Фото: Фото: TPS

مىسىر پرەزيدەنتى ابدەل فاتتاح ءال- سيسيدىڭ شامالاۋىنشا، يزرايل مەن حاماس اراسىنداعى قازىرگى قاقتىعىس كەزىندە گازا سەكتورىنان كەتۋگە ءماجبۇر بولعان پالەستينالىق بەيبىت تۇرعىنداردى يزرايلدىڭ ءشولدى ايماقتارىنا ورنالاستىرۋعا بولادى. بۇل تۋرالى CNN حابارلايدى.

اس- سيسي مەن گەرمانيا كانسلەرى ولاف شولتس سارسەنبى كۇنى كايردە بىرلەسكەن باسپا ءسوز ءماسليحاتىن وتكىزدى.

«مەن يزرايلگە حاماس جانە باسقا دا يسلامشىل جاساقتارمەن قاقتىعىس كەزىندە پالەستينالىق بەيبىت تۇرعىنداردى يزرايلدەگى ناكاب شولىنە كوشىرۋدى ۇسىنار ەدىم»، - دەدى پرەزيدەنت اس- سيسي باسپا ءسوز ءماسليحاتىندا.

ناكابتى نەگيەۆ ءشولى دەپ تە اتايدى.

ول مىسىر قازىرگى ۋاقىتتا 8,5 ميلليون بوسقىندى قابىلداپ وتىرعانىن جانە ودان دا كوبىن ورنالاستىرا المايتىنىن باسا ايتىپ، سونىمەن بىرگە مىسىرعا پالەستينالىقتاردىڭ كوپ كەلۋىنە بايلانىستى ىقتيمال قاۋىپسىزدىك قاۋىپتەرىنە الاڭداۋشىلىعىن ءبىلدىردى.

«ەگەر ءبىز پالەستينالىقتاردىڭ شەكارادان كوپتەپ وتۋىنە رۇقسات ەتسەك، يزرايلگە قارسى لاڭكەستىك وپەراتسيالار ورىن الۋى جانە يزرايل وعان جاۋاپ قايتارۋى مۇمكىن»، - دەدى اس- سيسي.

مىسىر باسشىسى بەيبىت تۇرعىنداردىڭ ءولتىرىلۋىن ايىپتاپ، اراب مەملەكەتتەرى اراسىندا پالەستينا ءىسىنىڭ ماڭىزدىلىعىن اتاپ ءوتتى.

"گازا سەكتورىنداعى ءال- احلي اۋرۋحاناسىندا جۇزدەگەن ادامنىڭ ءومىرىن قيعان جارىلىستان كەيىن پرەزيدەنت ابدەل فاتتاح اس- سيسي بۇكىل مىسىردا ءۇش تاۋلىكتى ازا تۇتۋ كۇنى دەپ جاريالادى" دەلىنگەن مىسىر پرەزيدەنتىنىڭ كەڭسەسى سارسەنبى كۇنى تاراتقان مالىمدەمەدە.

سەيسەنبى كۇنى تاڭەرتەڭ يوردانيا كورولى ابداللا II پالەستينالىقتاردىڭ يوردانيا مەن مىسىرعا كوشۋى «قىزىل سىزىق» ەكەنىن ەسكەرتىپ، يوردانيادا دا، مىسىردا دا جاڭا بوسقىندار بولمايتىنىن باسا ايتتى.

اۆتور

زارينا تۋعانبايەۆا

سوڭعى جاڭالىقتار