مينيسترلىك تالاپكەرلەرگە گرانتتار تۋرالى ماڭىزدى اقپارات جاريالادى
استانا. KAZINFORM - عىلىم جانە جوعارى ءبىلىم مينيسترلىگى 2025-2026 وقۋ جىلىنا ەلىمىزدىڭ جوعارى وقۋ ورىندارىنا قۇجات قابىلداۋدى باستادى.
2025-جىلعى 13-20-شىلدە ارالىعىندا تالاپكەرلەردەن ءبىلىم بەرۋ گرانتتارى كونكۋرسىنا، سونداي-اق اقىلى نەگىزدە وقۋعا وتىنىشتەر قابىلدانادى. قۇجاتتاردى egov.kz پورتالى ارقىلى ونلاين نەمەسە ۋنيۆەرسيتەتتەر جانىنداعى قابىلداۋ ورتالىقتارى ارقىلى تاپسىرۋعا بولادى.
ۇ ب ت شەكتى بالدارى
ءبىلىم بەرۋ گرانتتارى كونكۋرسىنا قاتىسۋ جانە اقىلى نەگىزدە وقۋعا ءتۇسۋ ءۇشىن ۇ ب ت ناتيجەلەرى بويىنشا كەلەسى شەكتى بالدار بەلگىلەنگەن:
«قۇقىق» جانە «پەداگوگيكالىق عىلىمدار» باعىتتارى بويىنشا - كەمىندە 75 بال؛
«دەنساۋلىق ساقتاۋ جانە الەۋمەتتىك قامتاماسىز ەتۋ (مەديتسينا)» باعىتى بويىنشا - كەمىندە 70 بال؛
ۇلتتىق جوعارى وقۋ ورىندارىنا ءتۇسۋ ءۇشىن - كەمىندە 65 بال؛
باسقا جوعارى وقۋ ورىندارىنا ءتۇسۋ ءۇشىن - كەمىندە 50 بال؛
قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتىنە ءتۇسۋ ءۇشىن - كەمىندە 50 بال.
ايتا كەتۋ كەرەك، جوعارى وقۋ ورىندارى ءبىلىم بەرۋ گرانتتارىن تاعايىنداۋ كونكۋرسىنا قاتىسۋ جانە اقىلى نەگىزدە وقۋعا قابىلداۋ ءۇشىن ءوز شەكتى بالدارىن وزدەرى بەلگىلەۋگە قۇقىلى.
2025-جىلعى قابىلداۋ ناۋقانىنىڭ ەرەكشەلىكتەرى
2025-جىلى «سيفرلىق ۋنيۆەرسيتەت» قاعيداتىن ىسكە اسىرۋ جالعاسىپ جاتىر: ۇدەرىستەردىڭ باسىم بولىگى اۆتوماتتاندىرىلعان، بۇل كونكۋرستىق ىرىكتەۋدىڭ اشىقتىعىن ارتتىرادى.
سيفرلىق ەكونوميكاعا كادرلار دايارلاۋ اياسىندا سۇرانىسقا يە تەحنيكالىق جانە IT باعىتتار بويىنشا قوسىمشا گرانتتار ءبولىندى.
اۋىل مەكتەپتەرىنىڭ تۇلەكتەرى ءۇشىن كۆوتالار قاراستىرىلعان.
الەۋمەتتىك وسال توپتارعا جاتاتىن تالاپكەرلەردى قولداۋ مەملەكەت پەن ماقساتتى گرانتتار شەڭبەرىندەگى كۆوتالار ارقىلى جۇزەگە اسىرىلادى.
مينيسترلىك تالاپكەرلەردى ەلەكتروندىق سەرۆيستەردى بەلسەندى پايدالانۋعا، سونداي-اق قابىلداۋ ەرەجەلەرىمەن، قاجەتتى قۇجاتتار تىزىمىمەن جانە قۇجات تاپسىرۋ مەرزىمدەرىمەن مۇقيات تانىسۋعا شاقىرادى.
تولىعىراق اقپارات عىلىم جانە جوعارى ءبىلىم مينيسترلىگىنىڭ جانە ۇلتتىق تەستىلەۋ ورتالىعىنىڭ رەسمي سايتتارىندا قولجەتىمدى.
ايتا كەتەلىك ەلىمىزدە شىلدەدەن باستاپ ۇ ە ۇ- عا مەملەكەتتىك گرانت بەرۋ ەرەجەلەرى جاڭارتىلاتىنى تۋرالى جازعان ەدىك.
