مينيسترلىك قاشىقتان مەديتسينالىق قىزمەت كورسەتۋ تۋرالى بۇيرىقتىڭ جوباسىن تالقىلاۋعا شىعاردى

 ق ر دەنساۋلىق ساقتاۋ مينيسترلىگى اشىق نورماتيۆتىك قۇقىقتىق اكتىلەر مەن قوعامدىق ۇيىمداردىڭ پورتالىندا تالقىلاۋ ءۇشىن قاشىقتان مەديتسينالىق قىزمەتتەر كورسەتۋ تۋرالى بۇيرىقتىڭ جوباسىن ازىرلەپ، شىعاردى. بۇل تۋرالى Kazinform مينيسترلىكتىڭ باسپا ءسوز قىزمەتىنە سىلتەمە جاساپ حابارلايدى. 

قۇجاتتىڭ وسى جوباسىنا سايكەس («امبۋلاتوريالىق جاعدايلاردا مامانداندىرىلعان مەديتسينالىق كومەك كورسەتۋ قاعيدالارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2022 -جىلعى 27-ساۋىردەگى ق ر د س م-37-بۇيرىعىنا وزگەرىستەر) پاتسيەنتتەر بەيىندى دارىگەردەن العاشقى كونسۋلتاتسيانى وفلاين فورماتتا الادى، ال قايتالاما كونسۋلتاتسيالاردى قاشىقتان الا الادى.

بۇگىنگى تاڭدا 13 مەديتسينالىق قىزمەت، مىسالى، ينتەگراتسياسى بار جانە ينتەگراتسياسىز تەلەپاتولوگيا جابدىعىنىڭ كومەگىمەن سكانەرلەنگەن گيستولوگيالىق پرەپاراتتارعا دارىگەرىنىڭ كونسۋلتاتسياسى، پسيحولوگ، رەابيليتولوگ لوگوپەد، دارىگەرلەردىڭ قاشىقتىقتان كونسيليۋمى جانە باسقا قىزمەتتەر قاشىقتان كورسەتىلەدى.

بۇيرىق جوباسىمەن اتالعان تىزبە 67 كونسۋلتاتسياعا جانە 48 مەديتسينالىق قىزمەتكە دەيىن ۇلعايتىلدى. بۇل دياگنوستيكالىق زەرتتەۋلەردى ايقىنداۋعا، نەۆروپاتولوگ، كارديولوگ، پسيحياتر، ەندوكرينولوگ، پسيحياتر، گينەكولوگ سەكىلدى ارنايى مامانداردىڭ كونسۋلتاتسيالارىنا، ەكگ، مرت، مامموگرافيا، رەنتگەنوگرافيا، قان قىسىمىن كۇندەلىكتى باقىلاۋ، ەلەكتروەنتسەفالوگرامما، پوليسومنوگرافياعا جانە باسقالارعا قاتىستى.

قاشىقتىقتان قىزمەت كورسەتۋ پاتسيەنتتەرگە قايتالاما قابىلداۋ كەزىندە دارىگەرگە بارماي-اق كونسۋلتاتسيا الۋعا، ەمدەۋدى ۋاقتىلى باستاۋعا، دياگنوزدى ناقتىلاۋعا، ەمدەۋ بويىنشا ۇسىنىستار الۋعا، دارىلىك پرەپاراتتى تاعايىنداۋعا مۇمكىندىك بەرەدى.

قاشىقتان تەحنولوگيالار بۇكىل الەمدە كەڭىنەن قولدانىلادى، حالىققا مەديتسينالىق كومەكتىڭ قولجەتىمدىلىگىن ارتتىرادى، سونداي-اق ماماندارعا كەزەكتى ايتارلىقتاي ازايتادى.

دەنساۋلىق ساقتاۋ مينيسترلىگى بۇيرىقتىڭ جوباسىنا ۇسىنىستاردى قاراۋعا جانە تالقىلاۋعا دايىن.

اۆتور

ايدار وسپاناليەۆ