12:07, 24 - شىلدە 2025 | GMT +5
مينيستر م ءا م س پرينسيپى تۋرالى: ساۋ ادام ناۋقاسقا، باي ادام كەدەي ءۇشىن تولەيدى
استانا. KAZINFORM - دەنساۋلىق ساقتاۋ ءمينيسترى اقمارال النازاروۆا مىندەتتى الەۋمەتتىك مەديتسينالىق ساقتاندىرۋ جۇيەسىنىڭ باستى ماقساتىن اتادى.
- مىندەتتى الەۋمەتتىك مەديتسينالىق ساقتاندىرۋ جۇيەسى شۇعىل ەم قاجەت بولعاندا جانە باسقا دا جاعدايعا قاراستىرىلعان كومەك. بۇل دەگەنىمىز مەديتسينالىق ساقتاندىرۋ قورىندا جيناقتالعان بارلىق قاراجات ەمدەلۋگە، پروفيلاكتيكالىق شارالارعا، ياعني 20 ميلليوننان استام ازاماتقا كورسەتىلەتىن مەديتسينالىق قىزمەتتى كورسەتۋگە باعىتتالادى. م ءا م س پرينسيپى - دەنى ساۋ ادام ناۋقاس ءۇشىن تولەيدى، باي ادام كەدەي ءۇشىن تولەيدى. بۇل قوردىڭ باستاپقىدا كوزدەگەن، قازىر جۇيەلى تۇردە ىسكە اسىرىپ جاتقان ۇجىمدىق جاۋاپكەرشىلىك پرينسيپى، - دەيدى اقمارال ءالنازاروۆا ۇكىمەت ۇيىندە وتكەن باسپا ءسوز ءماسليحاتىندا.
