موڭعوليا پارلامەنتى «ەل پرەمەر-مينيسترىنە سەنىم ۆوتۋمى تۋرالى» قاۋلىنىڭ قابىلدانۋىن قولدامادى
استانا. KAZINFORM - موڭعوليانىڭ ۇلى مەملەكەتتىك حۋرالى (پارلامەنتى) 2 -ماۋسىم كۇنگى پلەنارلىق وتىرىسىندا «موڭعوليا پرەمەر-ءمينيسترىنىڭ سەنىم ۆوتۋمى تۋرالى» قاۋلى جوباسىن تالقىلادى، دەپ جازادى مونتسامە.
تالقىلانعان ماسەلەگە بايلانىستى پرەمەر-مينيستر لۋۆساننامسراين ويۋۋن-ەردەنە ءسوز سويلەپ، قاۋلى جوباسىن ۇسىندى. ءوز سوزىندە پرەمەر-مينيستر ويۋۋن-ەردەنە 10 ايلىق جۇمىس بارىسىندا بىرلەسكەن ۇكىمەت 60 جىلدان استام تالقىلانعان ەردەبۋرەن سۋ ەلەكتر ستانسياسىنىڭ قۇرىلىس جوباسىن، 30 جىلدان استام تالقىلانعان ەنەرگەتيكالىق رەفورمانى جانە باعا ماسەلەسىن، موڭعول-فرانتسۋز ۋران ءوندىرۋ جونىندەگى بىرلەسكەن جوبانى ىسكە قوسقانىن اتاپ ءوتتى. ول 28 جىلعا توقتاتىلعان ەدى، سونىمەن قاتار ساياساتتاندىرۋعا بايلانىستى 20 جىلدان استام ۋاقىت جۇمىس ىستەمەي تۇرعان گاشۋۋنسۋحايت-گانتسمود ترانسشەكارالىق تەمىرجولى قۇرىلىسىنىڭ جوباسى تۋرالى ايتىلدى.
موڭعوليا پرەمەر-ءمينيسترىنىڭ سوزىنەن كەيىن پارلامەنتتىڭ مەملەكەتتىك قۇرىلىم جونىندەگى تۇراقتى كوميتەتىنىڭ ءتوراعاسى ج. بات- ەردەنە پارلامەنتتىڭ «موڭعوليا پرەمەر-مينيسترىنە سەنىم ۆوتۋمى تۋرالى» قاۋلىسىنىڭ جوباسى بويىنشا ۇسىنىس جاسادى. ول تۇراقتى كوميتەتتىڭ وتىرىسىندا تالقىلاندى.
تۇراقتى كوميتەتتىڭ وتىرىسىنا قاتىسقان مۇشەلەردىڭ كوپشىلىگى نەمەسە 73,9 پايىزى پرەمەر-مينيسترگە سەنىم ۆوتۋمىن قولدادى جانە ۇلى مەملەكەتتىك حۋرالدىڭ پلەنارلىق وتىرىسىندا قاۋلى جوباسىن تالقىلاپ، بەكىتۋدى ورىندى دەپ تاپتى.
بۇعان دەيىن موڭعوليا مەن قىتاي اراسىنداعى ەكىنشى تەمىرجولدىڭ قۇرىلىسى باستالعانىن جازعان بولاتىنبىز.
اۆتور
ەركەجان سماعۇلوۆا
