مەملەكەت باسشىسى وڭتۇستىك افريكا رەسپۋبليكاسىنىڭ پرەزيدەنتىنە قۇتتىقتاۋ جەدەلحاتىن جولدادى

بۇل تۋرالى اقوردانىڭ باسپا ءسوز قىزمەتى حابارلادى.

پرەزيدەنت و ا ر قازاقستاننىڭ افريكا قۇرلىعىنداعى سەنىمدى ءارى ماڭىزدى سەرىكتەستەرىنىڭ ءبىرى ەكەنىن اتاپ ءوتتى. سونىمەن قاتار بىرلەسكەن كۇش-جىگەردىڭ ارقاسىندا ءداستۇرلى دوستىق پەن تۇسىنىستىككە نەگىزدەلگەن ىقپالداستىق قوس حالىقتىڭ يگىلىگى جولىندا دامي بەرەتىنىنە سەنىم ءبىلدىردى.

قاسىم-جومارت توقايەۆ سيريل رامافوسانىڭ جاۋاپتى قىزمەتىنە تولايىم تابىس، ال وڭتۇستىك افريكا حالقىنا باق-بەرەكە تىلەدى.

ايتا كەتەلىك قاسىم-جومارت توقايەۆ كورول ۆيللەم-الەكساندردى نيدەرلاندتىڭ ۇلتتىق مەرەكەسىمەن قۇتتىقتاعان ەدى.