مەملەكەت باسشىسى «قازاقستان رەسپۋبليكاسىنىڭ اۋماقتىق قورعانىسى تۋرالى» زاڭىنا قول قويدى
استانا. KAZINFORM - زاڭ قازاقستان رەسپۋبليكاسىنىڭ اۋماقتىق قورعانىسى سالاسىنداعى مەملەكەتتىك ساياساتىنىڭ ۇيىمدىق-قۇقىقتىق نەگىزىن قالىپتاستىرادى جانە قوعامدىق قاتىناستاردى قۇقىقتىق رەتتەۋدى قامتاماسىز ەتەدى. بۇل تۋرالى اقوردانىڭ باسپا ءسوز قىزمەتى حابارلادى.
بۇدان بولەك، زاڭ اۋماقتىق قورعانىستى ماتەريالدىق تۇرعىدان قامتاماسىز ەتۋ ماسەلەلەرىن رەتتەيدى. قورعانىس مينيسترلىگىنە ءتيىستى فۋنكتسيالار بەرە وتىرىپ، اتالعان سالاعا مەملەكەتتىك باقىلاۋ ەنگىزىلدى.
قۇجات اۋماقتىق قورعانىستىڭ ءتيىمدى جۇيەسىن قالىپتاستىرۋعا جانە توتەنشە جاعدايلار كەزىندە حالىقتىڭ قاۋىپسىزدىگىن قامتاماسىز ەتۋگە باعىتتالعان. ءتيىستى شارالاردى ۇيىمداستىرۋعا جانە جەتكىلىكتى دەڭگەيدە قارجىلاندىرۋعا بايلانىستى ءبىرىڭعاي تاسىلدەردىڭ قاعيداتتارى ايقىندالدى.
قازاقستاندا اۋماقتىق قورعانىس كۇشتەرى COVID-19 پاندەمياسى كەزىندە، سونداي-اق 2020-جىلى ساردوبا سۋ قويماسىنداعى جارىلىس سالدارىن جويۋعا، 2022-جىلى قوستاناي وبلىسىنداعى ورمان ءورتىن سوندىرۋگە، 2024-جىلى ەلىمىزدىڭ سولتۇستىك-باتىس وڭىرلەرىندە بولعان سۋ تاسقىنىن ەڭسەرۋگە جۇمىلدىرىلدى.
زاڭ ءماتىنى باسپا سوزدە جاريالانادى.
ايتا كەتەلىك پرەزيدەنت «نىسانالى كاپيتال قورلارى جانە ەنداۋمەنت-قورلار تۋرالى» زاڭعا قول قويعان ەدى.
