مەملەكەت باسشىسى ميگراتسيا جونىندەگى حالىقارالىق ۇيىمنىڭ باس ديرەكتورىمەن كەزدەستى
استانا. KAZINFORM - АIF اياسىندا پرەزيدەنت قاسىم-جومارت توقايەۆ حالىقارالىق ميگراتسيا ۇيىمنىڭ – ب ۇ ۇ كوشى-قون جونىندەگى اگەنتتىگىنىڭ باس ديرەكتورى ەمي پوۋپپەن كەزدەسۋ وتكىزدى. بۇل تۋرالى اقوردانىڭ باسپا ءسوز قىزمەتى حابارلادى.
اڭگىمەلەسۋ بارىسىندا ميگراتسيا بويىنشا ىنتىماقتاستىقتىڭ جاي-كۇيى، ميگرانتتاردىڭ قۇقىعىن قورعاۋ جانە ۇيىمنىڭ 2024-2028-جىلدارعا ارنالعان ستراتەگيالىق جوسپارى شەڭبەرىندەگى ءوزارا ىقپالداستىق ماسەلەلەرى تالقىلاندى.
مەملەكەت باسشىسى ەلىمىز زاڭسىز كوشى-قون پروبلەمالارىن شەشۋ، ادام ساۋداسىنا قارسى ءىس-قيمىل جانە شەت ەلدەردە ەڭبەك ەتەتىن قازاقستاندىقتاردىڭ قۇقىعىن قورعاۋ باعىتتارىندا بەلسەندى جۇمىس جۇرگىزەتىنىن ايتتى.
ەمي پوۋپ قازاقستاننىڭ الماتى پروتسەسىنە 2025-2027-جىلدارداعى ءتوراعالىعىنىڭ ماڭىزىن اتاپ ءوتتى. بۇل - ايماقتىق ديالوگتى ىلگەرىلەتۋگە جانە ورتالىق ازياداعى كوشى-قونعا بايلانىستى پروبلەمالاردىڭ شەشىمىن بىرلەسىپ ىزدەۋ شارالارىن ۇيلەستىرۋگە ىقپال ەتەتىن كونسۋلتاتيۆتىك پلاتفورما.
قاسىم-جومارت توقايەۆ پەن ەمي پوۋپ ىنتىماقتاستىقتى ودان ءارى تەرەڭدەتۋگە، سونداي-اق ينستيتۋتسيونالدى الەۋەتتى نىعايتۋعا جانە ايماقتاعى كوشى-قوندى ورنىقتى باسقارۋعا ىقپال ەتۋ ماقساتىندا وزىق تاجىريبەلەرمەن الماسۋعا ۋاعدالاستى.
