مەملەكەت باسشىسى «لۋكويل» كومپانياسىنىڭ اكسيونەرى ۆاگيت الەكپەروۆتى قابىلدادى
استانا. KAZINFORM - پرەزيدەنت قاسىم-جومارت توقايەۆ «لۋكويل» كومپانياسىنىڭ اكسيونەرى ۆاگيت الەكپەروۆتى قابىلدادى، دەپ حابارلايدى اقوردانىڭ باسپا ءسوز قىزمەتى.
مەملەكەت باسشىسى كومپانيا اكسيونەرىمەن ەنەرگەتيكا سالاسىنداعى بىرلەسكەن جوبالاردىڭ جۇزەگە اسىرىلۋ بارىسىن تالقىلادى. پرەزيدەنتكە «لۋكويل» اتقارعان جۇمىستاردىڭ ناتيجەلەرى مەن بولاشاق جوسپارلارى تۋرالى مالىمەت بەرىلدى.
كەزدەسۋدە ءوزارا مۇددەلى ىقپالداستىقتىڭ پەرسپەكتيۆتى باعىتتارى قاراستىرىلدى.
قاسىم-جومارت توقايەۆ «لۋكويل» سياقتى ءىرى كومپانيالارمەن ىنتىماقتاستىقتىڭ تۇراقتى دامۋى ەنەرگەتيكا سالاسىن جاڭعىرتۋعا جانە ەلىمىزدىڭ ەكونوميكالىق الەۋەتىن نىعايتۋعا سەپتىگىن تيگىزەتىنىن ايتتى.
وسىعان دەيىن قازاقستان پرەزيدەنتىنىڭ ماجارستان پرەمەر-ءمينيسترىنىڭ سالتاناتتى قابىلداۋىنا قاتىسقانى تۋرالى جازدىق.
