مەملەكەت باسشىسى كۋبا پرەزيدەنتىنە قۇتتىقتاۋ جەدەلحاتىن جولدادى
پرەزيدەنت قاسىم-جومارت توقايەۆ قازاقستان حالقىنىڭ جانە جەكە ءوزىنىڭ اتىنان ميگەل ماريو دياس-كانەل بەرمۋدەس پەن كۋبا حالقىن بوستاندىق كۇنىمەن قۇتتىقتادى، دەپ حابارلايدى Kazinform اقوردانىڭ باسپا ءسوز قىزمەتىنە سىلتەمە جاساپ.
- ەگەمەندىك پەن تەڭدىكتى قاستەرلەي بىلگەن ەلىڭىز بۇگىندە ءوزىنىڭ ساياسي-ەكونوميكالىق تۇراقتىلىعى مەن حالىقارالىق بەدەلىن ارتتىرۋدا قوماقتى جەتىستىكتەرگە قول جەتكىزۋدە. وسى تۇستا وتانىڭىز باياندى دامۋىن جالعاستىرىپ، بيىك ماقسات-مۇراتتارعا جەتە بەرۋىنە شىنايى تىلەكتەسپىن. كاريب باسسەينىندەگى قازاقستاننىڭ جاقىن ءارى سەنىمدى سەرىكتەسى كۋبامەن ىقپالداستىعى حالىقتارىمىزدىڭ يگىلىگى ءۇشىن الداعى ۋاقىتتا دا تەرەڭدەي تۇسەتىنىنە كامىل سەنىمدىمىن، - دەپ جازىلعان جەدەلحاتتا.
قاسىم-جومارت توقايەۆ ميگەل ماريو دياس-كانەل بەرمۋدەستىڭ اسا جاۋاپتى قىزمەتىنە تولاعاي تابىس، ال دوستاس كۋبا حالقىنا قۇت-بەرەكە تىلەدى.
