مەملەكەت باسشىسى جاڭا جىلدى قايدا قارسى الادى
بيىل مەملەكەت باسشىسى جۇمىس ساپارىمەن كوپتەگەن ەلدە بولدى.
ساپارلار بارىسىندا شەتەل باسشىلارىمەن ەكونوميكا، الەۋمەت، بيزنەس، ينۆەستيتسيا باسقا دا سالالار تالقىلانىپ كەلىسىمدەر جاسالدى. وسى ورايدا جىلدى قورىتىندىلايتىن ۋاقىت كەلدى، دەپ حابارلايدى kazinform.
«تەڭگەرىمدى جانە كونسترۋكتيۆتى سىرتقى ساياسات ەلىمىزدىڭ ۇستاناتىن باستى باعىتى سانالادى. وسى ورايدا ۇلتتىق مۇددەنى قورعاۋ، ايماقتىق جانە حالىقارالىق قاۋىپسىزدىكتى ساقتاۋ ماسەلەسى باستى نازاردا بولدى. بيىل مەملەكەت باسشىسى قازاقستاننىڭ حالىقارالىق بەدەلىن ودان ءارى ارتتىرۋ ماقساتىندا ماڭىزدى شەشىمدەر قابىلدادى»،-دەدى پرەزيدەنتىنىڭ كەڭەسشىسى-ءباسپاسوز حاتشىسى بەرىك ءۋالي بۇگىن بەرگەن سۇحباتىندا.
سونىمەن قاتار بەرىك ءۋالي مىسال كەلتىردى، سولتۇستىك ماكەدونيادا قازاقستان رەسپۋبليكاسىنىڭ ەلشىلىگىن، سونداي-اق قىتايدىڭ شيان، رەسەيدىڭ ەكاتەرينبۋرگ جانە گەرمانيانىڭ گامبۋرگ قالالارىندا قازاقستاننىڭ باس كونسۋلدىعىن اشۋ تۋرالى شەشىم قابىلداندى.
«مەملەكەت باسشىسى ءوزىنىڭ تۋعان كۇنىن دە اتاپ وتپەيتىنىن بىلەسىزدەر. بيىل مەرەيلى جاسى بولسا دا، قىتايدا مەملەكەتتىك ساپارمەن ءجۇردى. ال، جاڭا جىلدى قاسىم- جومارت كەمەل ۇلى دا ءبارىمىز سياقتى ءوزىنىڭ ۇيىندە، داستارقان باسىندا اۋلەتىمەن بىرگە قارسى الادى»، -دەيدى سپيكەر.
