مەملەكەت باسشىسى ءاليحان بايمەنوۆتى قابىلدادى

استانا. KAZINFORM - اڭگىمەلەسۋ بارىسىندا الەمدەگى مەملەكەتتىك باسقارۋدىڭ دامۋ ۇردىستەرى مەن دوكترينالارى تالقىلاندى. بۇل تۋرالى اقوردانىڭ باسپا ءسوز قىزمەتى حابارلادى.

Касым-Жомарт Токаев и Алихан Байменов
Фото: Акорда

استانا مەملەكەتتىك قىزمەت حابىنىڭ جەتەكشىسى مەملەكەتتىك باسقارۋ سالاسىنىڭ تيىمدىلىگىن ارتتىرۋ، سىبايلاس جەمقورلىقتىڭ الدىن الۋ جانە جەرگىلىكتى اتقارۋشى بيلىكتىڭ قۇزىرەتتەرىن كەڭەيتۋ ماسەلەلەرى جونىندە وي-پىكىرىن جەتكىزدى.

سونىمەن قاتار ءاليحان بايمەنوۆ V دۇنيەجۇزىلىك كوشپەندىلەر ويىندارى قازاقتىڭ ۇلتتىق سپورتى - توعىزقۇمالاقتىڭ تانىمالدىلىعىن ارتتىرۋعا ەرەكشە ىقپال ەتكەنىن ايتتى.

پرەزيدەنت استانا مەملەكەتتىك قىزمەت حابى ەلىمىزدە جۇرگىزىلىپ جاتقان رەفورمالارعا تۇراقتى ساراپتامالىق قولداۋ كورسەتىپ كەلە جاتقانىن اتاپ ءوتىپ، ايتىلعان ۇسىنىستار بويىنشا ءتيىستى مەملەكەتتىك ورگاندارمەن تىعىز جۇمىس ىستەۋدى تاپسىردى.

سوڭعى جاڭالىقتار