مۇمكىندىگى شەكتەۋلى بالالاردى ۇيدە وقىتۋعا كەتكەن شىعىن قالاي وتەلەدى

Мүгедек
Фото: Еңбек және халықты әлеуметтік қорғау министрлігі

 استانا. KAZINFORM - «مۇمكىندىگى شەكتەۋلى بالالاردى ۇيدە وقىتۋعا جۇمسالعان شىعىنداردى وتەۋ» مەملەكەتتىك قىزمەتى پرواكتيۆتى فورماتتا قولجەتىمدى بولماق. بۇل تۋرالى ق ر ەڭبەك جانە حالىقتى الەۋمەتتىك قورعاۋ مينيسترلىگىنەن مالىمدەدى.

ۆەدومستۆو اتالعان شىعىن ءتۇرى بويىنشا وتەماقى بالا مەملەكەت تاراپىنان تولىق قامتاماسىز ەتىلمەگەن جاعدايدا وتباسىنىڭ تابىسىنا قاراماستان اتا- انانىڭ بىرىنە بەرىلەتىنىن اتاپ ءوتتى.

بۇعان دەيىن اتالعان مەملەكەتتىك قىزمەتتى الۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق فيليالىنا بارىپ نەمەسە eGov پورتالىنا ءوتىنىش جازۋ قاجەت بولاتىن.

ەندى ءموبيلدى ازاماتتار بازاسىندا تەلەفون ءنومىرىن تىركەگەن جاعدايدا قىزمەتتى 1414 نومىرىنەن تەك ءبىر SMS كە جاۋاپ بەرۋ ارقىلى الۋعا بولادى.

مەملەكەتتىك قىزمەتتى پرواكتيۆتى كورسەتۋ پروتسەسى مۇگەدەكتىگى بار بالانى ۇيدە وقىتۋ تۋرالى مەملەكەتتىك ورگانداردىڭ اقپاراتتىق جۇيەلەرىنەن مالىمەتتەر كەلىپ تۇسكەن كەزدە اۆتوماتتى تۇردە باستالادى.

كەلىسىم العاننان كەيىن جۇيە كورسەتىلەتىن قىزمەتتى الۋشىنىڭ دەرەكتەرىنىڭ مەملەكەتتىك قىزمەت كورسەتۋ قاعيدالارىنىڭ تالاپتارىنا سايكەستىگىن تەكسەرەدى. ونىڭ ناتيجەسى بويىنشا تولەم تاعايىنداۋ نەمەسە باس تارتۋ تۋرالى شەشىم قابىلدانادى.

تاعايىندالعان قاراجات حابارلاماعا جاۋاپ بەرۋ كەزىندە كورسەتىلەتىن قىزمەتتى الۋشى كورسەتكەن بانك شوتىنا اۋدارىلادى.

وسىلايشا، پرواكتيۆتى فورمات قازاقستاندىقتارعا ۇيدەن شىقپاي-اق جانە كوپ ۋاقىت جۇمساماي-اق قاجەتتى قىزمەتتى الۋعا مۇمكىندىك بەرەدى. سونداي-اق سىبايلاس جەمقورلىق تاۋەكەلدەرىن ازايتۋعا ىقپال ەتەدى.

سوڭعى جاڭالىقتار