مەكسيكالىقتار ترامپتىڭ مەكسيكا شىعاناعىنىڭ اتاۋىن وزگەرتۋىنە قارسى
استانا. KAZINFORM – ا ق ش پرەزيدەنتى دونالد ترامپتىڭ مەكسيكا شىعاناعىنىڭ اتاۋىن «امەريكا شىعاناعى» دەپ وزگەرتكەنىنە مەكسيكا تۇرعىندارى قارسىلىق تانىتىپ جاتىر.

ترامپ قىزمەتىنە كىرىسكەن ءبىرىنشى كۇنى مەكسيكا شىعاناعىن «امەريكا شىعاناعى» دەپ وزگەرتۋ تۋرالى جارلىققا قول قويدى. قۇجاتتا «اتاۋدى وزگەرتۋ وسى ەكونوميكالىق رەسۋرستى ءبىزدىڭ ەلدىڭ ەكونوميكاسى حالقى ءۇشىن ماڭىزدىلىعىن مويىنداۋ ءۇشىن قاجەت» دەلىنگەن.
«رەيتەر» اگەنتتىگى اق ءۇي باسشىسى ا ق ش- تىڭ گەولوگيالىق قىزمەتىنە مۇنداي وزگەرىس ەنگىزە العانىمەن، جاڭا اتاۋدى حالىقارالىق دەڭگەيدە مويىنداتۋى ەكىتالاي دەپ جازدى.
ۆيكتور رۋيز، ۆەراكرۋس شتاتىنىڭ تۇرعىنى:
- ءيا، قازىر ترامپتىڭ قولىندا بيلىك بار. ميگرانتتاردى قايتارسا، قايتارا بەرسىن. ءبىراق مەكسيكا شىعاناعىنىڭ اتاۋىن وزگەرتۋ اقىلعا قونىمسىز.
اندرەس وم حەرناندەس، ۆەراكرۋس شتاتىنىڭ تۇرعىنى:
- مۇنىسى ەندى قاتە. ويتكەنى مەكسيكا شىعاناعى اتام زاماننان سولاي اتالادى. ونى وزگەرتۋدىڭ ەش قاجەتى جوق. ترامپ قاتتى قاتەلەسىپ وتىر. ول ءبارىن وڭاي جانە تەز وزگەرتكىسى كەلەدى.
اريەل، ۆەراكرۋس شتاتىنىڭ تۇرعىنى:
- ءبىز پرەزيدەنت دونالد ترامپتىڭ قاتاڭ ساياسات ۇستانعىسى كەلەتىنىن بىلەمىز. ءبىراق مەكسيكالىقتار دا مۇنداي جاعدايلاردا تۋرا سولاي ارەكەت ەتۋگە ءتيىس. ونىڭ ايتقانىمەن ەشبىر كەلىسپەيدى دەپ ويلايمىن.
مەكسيكا استاناسى مەحيكودا ءبىر توپ بەلسەندى ا ق ش ەلشىلىگىنىڭ جانىندا دونالد ترامپتىڭ بەينەسىن تاياقپەن ساباپ، ورتەپ جىبەردى. وسىلايشا، ولار ا ق ش- تىڭ 47-پرەزيدەنتىنىڭ مەكسيكا شىعاناعىنىڭ اتاۋىن وزگەرتۋىنە جانە كوشى-قونعا قارسى ساياساتىنا نارازىلىق بىلدىرگەن.
ايتا كەتەيىك، مەكسيكا پرەزيدەنتى كلاۋديا شەينباۋم ا ق ش پرەزيدەنتىنىڭ مەكسيكا شىعاناعىنىڭ اتىن وزگەرتۋ تۋرالى پىكىرىنە جاۋاپ رەتىندە ا ق ش- تىڭ XVII عاسىرداعى اتاۋىن قولدانۋدى ۇسىنعان.
ءوز كەزەگىندە، مەكسيكا پرەزيدەنتى كلاۋديا شەينباۋم ا ق ش، مەكسيكا جانە كانادانىڭ كەيبىر بولىكتەرى كورسەتىلگەن 1607 -جىلعى كارتانى ۇسىندى. ول دونالد ترامپتىڭ مەكسيكا شىعاناعىنىڭ اتاۋىن وزگەرتۋ تۋرالى ۇسىنىسىنا جاۋاپ رەتىندە ا ق ش- قا اۋماقتىڭ تاريحي اتاۋىن «امەريكانا مەكسيكانا» دەپ قايتارۋدى ۇسىندى.
- America Mexicana دەپ نەگە اتاماسقا؟ جاقسى ەستىلەدى، سولاي ەمەس پە؟ بۇل راس ەمەس پە؟ — دەپ حابارلادى كلاۋديا شەينباۋم.
1607 -جىلى امستەردامدا ورنالاسقان گوللانديالىق وست- يند كومپانياسىنا تاپسىرىس بەرگەن ەۋروپالىق كارتادا بۇل اۋماق «America Mexicana» دەپ اتالدى.
بۇل اتاۋ يسپان بيلىگىنە قارسى تاۋەلسىزدىك قوزعالىسى كەزىندە ازىرلەنگەن اپاتسينگان كونستيتۋتسياسىندا (مەكسيكاندىق امەريكانىڭ 1814 -جىلعى بوستاندىق جارلىعى) دا بار.
كلاۋديا شەينباۋم سونداي- اق دونالد ترامپتىڭ ەلدى ەسىرتكى كارتەلدەرى باسقارادى دەگەن پىكىرىن جوققا شىعارىپ، «مەكسيكانى حالىق باسقارادى» دەپ جاۋاپ بەردى.
24.kz